Monday, August 19, 2013

RENOVATION TI DATI A FISH CENTER, NAARAMID

Cabugao, Ilocos Sur – Babaen ti tulong ti Munisipio ken ti Barangay, natarimaan ken napintaan ti dati a pasdek a pagidagdagasan dagiti mangngalap ti makalapanda iti Barangay Salomague, Cabugao, Ilocos Sur itay nabiit.

Iti pannakiuman ti Web In-Action ken  ni Mr. Wilfredo Savella, agdama a Barangay Secretary ti Brgy. Salomague itay nabiit, impakaammona  a bale uppat a sektor ti asosasion  ti maibalay nga agopisina  kadaytoy a pasdek ket dagitoy ti Senior Citizen, Nutrision, 4 P’s ken Fishermen Association.

Impeksa ni Mr. Savella ti panagyamanna iti LGU-Cabugao iti pannakapasayaat daytoy a pasdek tapno napardas ti pannakaipaay ti serbisio kadagiti maseknan a lumugar iti kasapulanda. # (Web In-Action)

No comments:

Post a Comment