2013 YES-O ENCAMPMENT, NAANGAY

Cabugao, Ilocos Sur – Naangay ti District Youth for Environment in School Organization (YES-O) Encampment idi Setiembre 13, 2013 iti Cabugao Cultural and Sports Complex, Brgy. Rizal, Cabugao, Ilocos Sur.

Nagkatlo a kapaset ti programa. Umuna ti Opening Program a ditoy ket linuktan ni Mrs. Estrellita M. Siruno, Principal II, OIC District Supervisor a nangpasangbay kadagiti nagpartisipar nga ubbing ken agtutubo. 

Kalpasan iti intermission numbers dagiti CNCS YES-O, pinagsapata ni Mrs. Siruno dagiti Opisiales ti YES-O. Nangipaay met ni Mr. Genaro Solmerin, District YES-O Coordinator iti Orientation maipapan iti Contest Proper para iti Part II ti programa.

Naaramid ti pakontes ti Environmental Quiz Show-3 contestant ti kada eskuela; Poster Making Contest-1 kada eskuela; YES-O Exhibit -3 contestants kada eskuela; Sayawit; YES-O Spotlight; Speech Choir sa naisaruno ti Search for Lakan/Lakambini 2013.

Tunggal pakontes ket addaan ti Chairman, Board of Judges ken dua a kameng. Nagpaay a Quizmaster ni Mr. Rodel P. Suniega, Principal 1, Turod E/S.

Kamalmanna, naangay ti Closing Program ti Search For Lakan/Lakambini 2013. Nangipaay ti Intermission Number ti Speech Choir (1st Place); naisaruno ti Entrance of the Candidates for the Search of Lakan/Lakambini ng Kalikasan 2013. Naaramid ti Production Number, intermission number (Sayawit 1st Place); Talent Portion ken ti  Kalikasan/Environmental Costume Question and Answer.

Nangipaay ti mensahe ni Mr. Maxfel S. Suboc, Cabugao District FPTA President. Nagyaman iti kinatunos ti amin a nagpartisipar kadaytoy a naballigi a programa ti pageskuelaan.

Imbagian ni SBM Dr. Jemaima S. Tan-Yee ni Mayor Edgardo “Ediboy” S. Cobangbang, Jr. babaen iti pa nnangtedna ti mensahena kas Committee Chair in Education ti Sangguniang Bayan. Dinayawna ti napintas a resulta ti programa ken iti akem dagiti kakastoy nga aktibidad a mangtubay kadagiti ubbing nga agbalin a kabaruanan a sientista ken mangipateg ti kaipapanan ti aglawlaw.

Kalpasanna, nai-award ti Certificates ken Medals kadagiti nangabak. Naipakaammo pay dagiti nangyalat ti Major Awards. Naisaganad ti Pinning of Sashes to the Winners of the Search of Lakan/Lakambini ng Kalikasan 2013. Nagyaman ni Mr. Genaro Solmerin, District YES-O Coordinator iti naballigi a nagbanagan ti maysa nga aldaw nga aktibidad ti Cabugao DepED District. # (Web In-Action)