Saturday, October 12, 2013

BAGYO SANTI, LINAPDAN TI NARUAY A KARARAG

Cabugao, Ilocos Sur – Apaman a naibayog ti pagsignalan No. 2 iti Ilokos babaen iti PAG-ASA Bulletin, nakapagsaganan ti puersa ti Municipal Disaster Risk Reduction Management Council (MDRRMC)-LGU Cabugao kadagiti preparasionna  iti mabalin a gubuayen manen daytoy a kalamidad idi Oktubre 11, 2013.

Uray iti pannakaipadamagna pay laeng iti  panagbukbukelna a Low Pressure Area (LPA) ket pinampanunoten dagiti  mangbukel ti MDRRMC no kasano a mapakaammuanna dagiti umili nga agindeg kadagiti calamity prone areas nangruna iti barangay. Nupay kasta, malaksid ti panagrekuridada ket nakaintek dagiti Hotline Numbers a tawagan dagiti maseknan a makalamidad no kaspangarigan iti Municipal Base ti MDRRMC.

Nupay nakuyem ken ilaylayatna ti napigsa a tudo ken yabayab ti angin iti dayta a petsa, saan a dimmanon ti ablat ti bagyo ditoy Ilokos a nagyamanan met dagiti madama nga agpagpagapas ta di man ket agiyanuden ti nagapas no napigsa ti angin ken danum. Naipaulog pay ti pammilin nga awan ti klase ti Elementaria iti dayta a petsa.

Kabayatanna, epektibo ti kaadda dagiti ramit nga adda makinariana a pagtiliar kadagiti magapas nga impaay ti LGU-Cabugao ken ti DA-RFU 1 kadagiti mannalon ti Cabugao ket maiplanoda nga insegida ti panangitakdangda kadagiti apitenda a pagay ita a Wet Season 2013 (Hunio-Nobiembre) # (Web Situational Report)

No comments:

Post a Comment