Friday, October 4, 2013

SISTEMATIKO A PANNAKABUNAG TI BASURA

Cabugao, Ilocos Sur – Mangrugi idi Oktubre 1, 2013, imparuar ti Luzon Green Art Technology, Inc. nga akin-kontrata iti pannakaidalimanek ti basura nga imparuar dagiti alagaden babaen iti polietosda  a naiwaras iti tunggal household/balay   iti maserbisyuan a lugar/barangay  iti panangisaganada  dagiti basurada sakbay nga umay ti lugan nga agbunag a mangrugi iti oras ti alas otso ti bigat.

Iti pannaki-amad ti Web In-Action ken ni Mrs. Revelina Bayona, LGA Tech. Spokesperson, idi Oktubre 2, 2013 imbagana a  nailanad iti nasao a polietos dagiti eskediul dagiti service barangays a papanan ti agbunag a lugan a  pakairaman iti Tiendaan (NISTC-Public Market) ken  ti pageskuelaan  mangrugi iti aldaw ti Lunes agingga iti aldaw ti Domingo.

Kabayatanna, naisangpeten  ken nagoperaren dagiti mausar iti paggiling  ti basura idiay Ecology Center babaen iti LGA Tech, Inc., segun ken ni MENRO Edgar S. Balangatan. # (Web In-Action)

No comments:

Post a Comment