Cabugao, Ilocos Sur - Naawis a nangited ti Mensahena ni Mayor Edgardo “Ediboy” S. Cobangbang, Jr. iti naangay a pannakaselebrar ti Children’s Congress in Celebration of Children’s Month, October 2013 iti Tema: “Kahirapan, wakasan, Karapatan ng Bata Ipaglaban”. 
Naangay ti salip ti Draw and Tell ken Singing Contest kadagiti napili nga ubbing iti Day Care Centers ti ili a Cabugao, Ilocos Sur idi Oktubre 16, 2013 iti Municipal Conference Building.
Sakbay a nairugi ti programa, kimmablaaw ken nagyaman ni Mayor Ediboy ta maikkan latta ti panawen ti kakastoy nga aktibidad dagiti ub-ubbing a parte ti paka-hulmaanda nga agbalin a responsible ken nasaririt nga umili iti masanguanan.
Pinagyamaman pay ti Ama ti Ili iti naregget a panangtartarabay dagiti Day Care Workers/MSWDO Staff nga idauluan ni MSWD Officer Mrs. Lydia S. Gazmen kadagiti ubbing kasta met iti akem dagiti nagannak a mangiturturong/mangibagnos latta kadagiti annakda a makikaysa kadagiti programa ti Munisipio iti pannakamuli dagiti annak nga agadal ken mangpasayaat iti masakbayanda.
Nagpaay a Facilitators da Mr. Rudy Ilar ken ni Mr. Ferico Arcebal, agpada a Day Care Teachers. Nagpaay met a Hurado ti pasalip dagiti Personnel ti MSWDO-LGU Cabugao nga indauluan ni MSWD Assistant Leonora G. Reintar.
Ti nasao nga aktibidad ket paset ti panangselebrarda ti Chidren’s Congress ita a Tawen 2013 a pakapilian dagiti mapan makisalip nga ubbing ti Day Care iti benneg ti Probinsial. # (Web In-Action)
No comments:
Post a Comment