Wednesday, October 9, 2013

SELEBRASION TI 2013 SCOUTING MONTH, NAANGAY

Cabugao, Ilocos Sur – Naangay ti 2013 Scouting  Month Celebration a nagatendaran ti 26 a pageskuelaan ti ili a Cabugao, Ilocos Sur iti Cabugao DepED District iti Tema:  “Education for Life” iti Cabugao Cultural and Sports  Complex, Brgy. Rizal, Cabugao, Ilocos Sur idi Oktubre 6, 2013.


Sakbayna, nasapa a naangay ti BSP Holy Mass iti St. Mark the Evangelist Parish Church sakbay ti Launching Program iti Cabugao Cultural and Sports Complex.

Naaramid ti Re-dedication of the Scouth Oath and Law, Pangako ng Kab Scout, Batas ng Kab Scout, Kab Scout Slogan ken ti BSP Vision and Mission babaen kadagiti Scout, Kawan ken Troop Leader  sakbay ti Words of Welcome ni Mrs. Estrellita M. Siruno, Principal II, Cabugao North CS ken OIC District Supervisor ket kinaritna ti amin nga scouts ken scoutsmasters a makikaysa kadaytoy a tinawen a panagselebrar ken pinagyamananna dagiti Opisiales Lokal ti ili gapu ta isuda ti kangrunaan a mangitaktakder ti Scouting Committee a sanggir daytoy nga aktibidades.

Iti mensahe ni Mayor Edgardo “Ediboy” S. Cobangbang, Jr., Honorary Chairman, Municipal Scouting Committee, kimmablaaw ken nagyaman iti naballigi a pannakaselebrar manen ti Scouting Month ditoy Cabugao. Innayon ti Ama ti Ili a dagitoy nga aktibidad ket paset a  pakahulmaan dagiti ubbing iti panagbalinda a responsible a lider ken makipagili. Binigbigna ti pateg ti agtultuloy a  pannakikaysa dagiti nagannak ken Guardian iti pannakatarabay met dagiti annakda a makigamulo iti daytoy a programa kasta met kadagiti mangisursuro a naanus a mangtimtimon iti maaramid nga aktibidad.

Kalpasan a maiballaet ti Yell and Song Presentation iti uppat (4)  a Zones, nagsaganad met a nangted ti mensahena da Vice Mayor Deogracias Jose H. Savellano; SB Member Dr. Jemaima S. Tan-Yee, Committee Chair on Education; Dr. Gil P. Savellano, Ed.,D., Ilocos Sur Council Scout Executive (OIC). 

Kangrunaan a bugas ti mensaheda iti maipapan iti Scouting Month a nayon a  mangtubay ti disiplina ken sirib kadagiti ubbing ken pakaidaydayawan met ti ili a Cabugao ta aktibo ken adu ti Scouts a makigamgamulo.

Naipadamag pay  babaen ken ni Dr. Gil P. Savellano nga adda maangay a BSP Regional Jamborette idiay Pangasinan itoy a bulan ti Oktubre 2013 a posible a pagpartisiparan dagiti Scouts iti Cabugao.

Closing Remarks ti impaaay ni Atty. Rex Augustus S. Morales, Chairman, Municipal Scouting Committee. Pinagyamananna ti naurnos, nabunga ken naballigi a panagselebrar dagiti Taga-Cabugao iti 2013 Scouting Month. # (Web In-Action)

No comments:

Post a Comment