DISTRICT ESCODA CELEBRATION, NAANGAY DITOY CABUGAO

Cabugao, Ilocos Sur – Naaramid ti District Escoda Celebration iti Tema: “Believe, Belong, Be More”  babaen kadagiti kameng ti Girl Scouts of the Philippines (GSP), Cabugao District idi Oktubre 5, 2013 iti Cabugao Cultural and Sports Complex, Brgy. Rizal, Cabugao, Ilocos Sur a nagatendaran ti 26 a pageskuelaan ti ili a Cabugao, Ilocos Sur.

Sakbayna, naangay ti Nasantuan a Misa iti Cabugao Catholic Church sakbay ti Girl Scout Ceremony iti Cabugao Cultural and Sports Complex.

Naaramid ti Re-dedication to the GS Promise and Law, Star Scout Promise, Star Scout Law ken Twinkler Promise and Law babaen kadagiti nadesignaran nga ubbing.

Nangipaay ti Welcome Talk ni Mrs. Estrellita M. Siruno, Principal II,  Cabugao North CS ken OIC District Supervisor. Inawisna ti amin a makikaysa iti pannakaseremonia ti kabibiag ni Josefa Llanes Escoda, kangrunaan a teddek ti Girl Scouting.

Simmaruno ti Presentation of Participants thru Cheers and Yells by school sa naangay iti ESCODA CEREMONY.

Nangipaay ti mensahe ni  SBM Vicky S. Serna, GS District Committee Chairman. Dinayawna ti napintas a panagkakammayet dagiti ubbing, nagannak ken   Teachers  a nangtarabay kadagiti annakda a makigamulo kadaytoy a programa.

Introduction of the Guest of Honor and Speaker babaen ken ni Mrs. Digna R. Talusig, GSP Field Adviser.

Nagpaay a Guest of Honor ken Speaker ni Mrs. Jerlie S. Cobangbang, Pharmacist ken  Former Girl Scout. Kimmablaaw ken nagyaman ni Ma’am Jerlie  iti naited kenkuana a gundaway a mangipaneknek ti pateg ti Girl Scout a pakasanayan ken pakasursuruan kadagiti napapateg a galad ti agad-adal.

Pinadayawan  met ni Mrs. Cobangbang dagiti ubbing, estudiante, nagannak, Guardians, Teachers ken GSP Officers kadaytoy a naballigi a pannakaseremonia  iti biag ni Josefa Llanes Escoda, Founder ti Girl Scouting.

Kalpasanna, naipaay ken ni Mrs. Cobangbang iti Certificate of Appreciation iti pannakaawisna a nagsarita itoy a taripnong babaen kadagiti Opisiales ti Scouting nga idauluan ni OIC District Supervisor Estrellita M. Siruno.

Naisaganad met a nagpabuya dagiti mangibagi ti Zone 1-4, UCCP Twinklers, Cabugao Institute Senior Scouts ken Cabugao National High School Senior Scouts.

Nag-Closing Remarks ni Mrs. Evangeline U. Seatriz, President, Cabugao GSP Troop Leaders Association. # (Web In-Action)