FFS-CORN FARMERS, NAGTURPOSDA

Cabugao, Ilocos Sur – Naangay ti panagturpos dagiti 26  a mannalon (Farmer Partners) iti proyekto a napauluan: “FARMERS’ FIELD SCHOOL ON CORN PRODUCTION” a nagbuligan nga inyimplimentar ti DA-RFO 1, San Fernando City, La Union nga idauluan ni Dr. Valentino C. Perdido, Ph. D., DA OIC Regional Executive Director, ti OPAG-Ilocos Sur nga idauluan ni Mr. Teofilo  R. Quintal, Provincial Agriculturist ken kasta met  ti LGU Cabugao nga idauluan ni Mayor Edgardo “Ediboy” S. Cobangbang, Jr. ken impatungpal dagiti Mannalon (Farmer-Cooperators ti BACALL MPA)  ken  ti  DA-LGU Staff iti Barangay Baclig, Cabugao, Ilocos Sur.

Naangay ti  Graduation Exercises  iti malem ti Mayo 9, 2014 iti Palay Shed Building, BACALL MPA, Sitio Lusong Suyo,  Brgy.Baclig, Cabugao, Ilocos Sur. 

Iti umuna a paset ti programa ket  naaramid ti Invocation babaen ken ni Ms. Georgina C. Serrano, FFS Participant. Nakanta ti National Anthem ken ti Cabugao Hymn ken naibalikas ti Panatang Maka-Palay babaen ken ni Ms. Brenda Florentina M. Salandanan, FFS Participant, sa naisaruno ti Acknowledgement of Guests, Visitors and Participants babaen ken ni Mr. Nereo S. Daproza, MRPC/FFS Facilitator. Opening Remarks ti binagi ni Kagawad Joseph Azcueta. Inawis ti Konsehal  ti sibubukel a naitallaong ken dagiti  kabarangayanda iti Brgy. Baclig nga adaptarenda daytoy a nairusat a proyekto iti lugarda.

Naisaganad ti Presentation of Result of the Study babaen  iti panangilawlawag ni Mr. Dominador Reynold S. Sabio, FFS Participant ken Presidente ti BACALL MPA.

Nangipaay ti Inspirational Message ni Mayor Edgardo “Ediboy” S. Cobangbang, Jr. Kinablaawanna dagiti Opisiales ti DA a naggapu iti Regional Level ken iti OPAG-Ilocos Sur, DA-LGU Cabugao, Opisiales ti Brgy. Baclig kasta metten  iti BACALL MPA ken dagiti nagturpos itoy nga 4 a bulan a panagadal.

Bininsa ni Mayor Ediboy iti pateg ti naadal dagiti nagturpos a maiyallatiw pay iti dadduma a Corn Farmers a mangpasayaat iti Sektor-da. Nangipaay ti Ama ti Ili iti Impresion ket kunana a saan a paudi ti Brgy. Baclig ket isuna pay ti maragsakan ta naikkan ti gundaway  ken nairana iti panagserbina iti kaadda iti kakastoy a programa. Kunana a nagbalin met a parte isunan kadagita a nasursuro dagiti mannalon ket napintas dagitoy nga awiten dagiti sangaili nga ipadamag iti Opisinada a ditoy Cabugao ket ammoda a tuntonen ken  probitsaren ti serbisio dagiti tumulong kadakuada ken ammoda nga annuroten dagiti pagrebbenganda a kas maysa a responsable nga umili.

Insupusop pay ti Alkalde Munisipal a mapalubosan dagiti Asosasion dagiti mannalon nga agkiddaw babaen iti Resolusion partikular kadagiti awan  pay ti kuligligna ta  ited ti Counterpart ti Munisipio para iti pannakaala kadagitoy a kangrunaan a makinaria dagiti mannalon.

Simmaruno ti nagsaruno nga  impresion da Ms. Aida M. Tapuro ken ni Ms. Milagros S. Constante, agpada nga FFS Participant. Ti nagun-odda nga adal iti kangrunaan a binigbigda iti 4 a bulan a panagbasada iti FFS-Corn.

Nangipaay met ti Message ni SBM Benedicto M. Savellano, Committee Chair on Agriculture ket impasingkedna nga itandudona dagiti gakat a mangpasayaat pay iti kasasaad dagiti mannalon ken iti Agrikultura iti ili  ti Cabugao iti Lehislatura (Sangguniang Bayan).  

Nangted met ti Mensahe ni Ms. Wilma Ibea, Center Chief, DA Ilocos Provincial Office, Batac City ken ni Mr. Constante Butacion, pannakabagi ni Provincial Agriculturist Teofilo R. Quintal ti OPAG-Ilocos Sur. Anag ti Mensaheda iti agtultuloy a napintas a panangsarabo ti ili a Cabugao kadagiti programa ti DA partikular iti pakaseknan ti pagay ken mais ken iti agtultuloy a tarabay/pannakikammayet ti LGU-Cabugao a partnerda iti pannakatulong dagiti mannalon.

Binagi ni Mr. Oscar T. Tobia, Provincial Corn Coordinator a nangipresentar kadagiti nagturpos. Confirmation of Graduates  ni Ms. Wilma Ibea.

Acceptance of Graduates ni Mayor Ediboy ken indauluanda ken ni Ms. Wilma Ibea agraman dagiti Opisiales ti DA a nangited ti Certificates kadagiti naggraduar a mannalon ti mais.

Nangipaay ti Intermission Number dagiti FFS Corn Graduates. Closing Remarks ni Municipal Agriculturist Zenaida S. Andrada. Nagyaman kadagiti Opisiales ti DA ken ti LGU-Cabugao nga idauluan ni Mayor Ediboy iti agtultuloy a pannakatarabay dagiti mannalon ken iti panagballigi ti pannakairubuat daytoy a programa para iti mais.

Nagsarita met ni Brgy. Captain Carlos V. Sison ti Barangay Baclig. Pinagyamananna iti agtultuloy a pannakaited dagiti proyekto ti Barangay Baclig partikular iti benneg ti Agrikultura.

Da Mr. Nereo S. Daproza ken ni Ms. Katrene Joy Tapuro iti nagserbi nga  FFS Facilitators. # (Web In-Action)