Cabugao, Ilocos Sur – Naangay ti Pay-out dagiti 57 a Beneficiaries ti Pantawid Pamilyang Pilipino Program (4 Ps) a naggapu iti nadumaduma a Barangay ti Munisipalidad ti Cabugao. Naaramid ti Pay-out iti Opisina ti 4 P’s iti Munisipio iti Mayo 7, 2014.
Segun ken ni Ms. Jessie Anne O. Tabut, Municipal Link, Cabugao, inawat dagiti Grantees ti mabatayanda a gatad para iti Enero-Pebrero 2014 a pannakabayad ti aw-awatenda a Cash Grant.
Ti Programa ti 4 P’s ket nangrugi iti ili ti Cabugao, Ilocos Sur idi Tawen 2010 ket maitultuloy agingga iti agdama. Daytoy ket naipangruna a programa ti National Government babaen iti panangipatungpal ti DSWD a kapartnerna ti LGU a makasakup kadagiti benepisiario.
Nagatendar iti nasao a Payout Activity dagiti DSWD Payout Team nga idauluan ni Ms. Maria Theresa N. Calvo, DSWD Municipal Roving Bookkeeper ti Ilocos Sur kasta met ni Philpost Postmaster ti ili a Cabugao, Cesar Sivila a nagyawat iti kantidad kadagiti Recipients. # (Web In-Action)
No comments:
Post a Comment