Cabugao, Ilocos Sur – Naaramid ti panangsabat dagiti pannakabagi ti LGU-Cabugao iti panangyuna ni Ms. Veronica B. Agcanas, COMELEC-Cabugao Election Officer II ken binayabay dagiti kameng ti PNP-Cabugao nga idauluan ni Chief Of Police William N. Nerona agraman dagiti Opisiales ti Barangay ken LGU Personnel iti grupo ni COMELEC Director/Spokesperson James AB. Jimenez iti nagbedngan ti ili a Sinait ken Cabugao, Ilocos Sur tapno kaduaenda ti COMELEC Official agraman dagiti kakaduana a nagnagna iti National Highway manipud iti Barangay Pug-os agingga idiay Barangay Sagayaden, Cabugao, Ilocos Sur (Boundary-to-Boundary) iti Mayo 8, 2014.
Daytoy a Luzon-wide Walking Expedition ti COMELEC ket nangrugi idiay Laoag City, Ilocos Norte idi Mayo 6, 2014 babaen Iti panangidaulo ni COMELEC Chairman Sixto L. Brillantes, Jr. ken agpatingga idiay Matnog, Sorsogon tapno guyugoyenda dagiti kualipikado nga umili nga agparehistro para iti Biometric Registration babaen iti Tema: “WALKAH-WALKAH: “Step Juan Tungo sa Mulat na Botante” a nangrugi idi Mayo 6, 2014 ken agpatingga iti 2015.
Nakikaysa met da SB Member Benedict M. Savellano, Pug-os Brgy. Captain Arnold “Bambi” V. Yangat, Brgy. Captain Fermin Sarinas, LGU Personnel ken dagiti Volunteers iti nasao a panagpagna. # (Web In-Action)
No comments:
Post a Comment