Cabugao, Ilocos Sur – Naangay ti Validation dagiti Additional Beneficiaries ti Pantawid Pamilyang Pilipino Program (4 Ps) manipud iti 353 a Households a naggapu iti 33 a Barangay ti ili ti Cabugao, Ilocos Sur iti Mayo 8, 2014 iti opisina ti 4 P’s iti Munisipio.
Segun ken ni MSWD Officer Mrs. Lydia S. Gazmen, MSWDO-Cabugao, ma-validate dagiti annakda no adda agtawen ti 0-18 ken dagiti 16-18 ket agbasbasada pay laeng iti High School.
Ti Programa ti 4 P’s ket nairugi iti ili ti Cabugao, Ilocos Sur idi Tawen 2010 ket maitultuloy agingga iti agdama. Daytoy ket naipangruna a programa ti National Government para kadagiti kualipikado a kaamaan babaen iti panangipatungpal ti DSWD a kapartnerna ti LGU a makasakup kadagiti mabenepisiaran.
Dagiti 353 a Households ket naggapu iti listaan iti naiwayat a National Household Targeting System sakbayna, segun pay ken ni Mrs. Gazmen. # (Web In-Action)
No comments:
Post a Comment