Cabugao, Ilocos Sur – Naalaw ken naasikaso ti maidakdaknir a Pawikan (Sea Green Turtle) iti kabaybayan a masakupan ti Barangay Dardarat, Cabugao, Ilocos Sur idi Mayo 8, 2014.
Segun ken ni Municipal Fisheries Coordinator Milagroz R. Paz, AT, nasalaw dagiti agdigdigos nga agtutubo iti nasao a kabaybayan a dagitoy ket agindeg iti Brgy. Pila, Cabugao, Ilocos Sur Iti nadakamat a pawikan.
Innayon ni Mrs. Paz a naaramid ti panag-rescue iti nadakamat nga endangered specie kalpasan a maawat ni Barangay Tanod Ronel Rapin ti report nga adda maidakdaknir a pawikan iti igid ti baybay.
Mismo a ni Barangay Captain Patricio B. Satumba iti Barangay Pila iti nangireport ken ni Mrs. Paz ket idi agangay kinaduana ni MENRO Edgar S. Balangatan, AT, a nagturong iti nasao a disso a ditoy ket inasikasoda ti Sea Green Turtle nga agatiddog iti 14 sentimetro (Caraface) ken agakaba iti 14.5 sentimetro (Caraface).
Nabukel ti Rescue Team babaen iti panagtitinnulong da Mrs. Paz, MENRO Balangatan ken ni Brgy. Captain Satumba ket apaman a napaungarda ti nasao a pawikan ket tinulonganda a nagsubli iti kabaybayan iti dayta met la nga aldaw.
Daytoy nga aksion ket resulta iti agtultuloy a panangitandudo ti LGU Cabugao nga idauluan ni Mayor Edgardo “Ediboy” S. Cobangbang, Jr. iti naregget a kampania iti pannakaprotehir kadagiti endangered species kadagiti kabaybayan babaen iti pannakikammayet ti LGU iti Bureau of Fisheries and Aquatic Resources (BFAR) ken iti DENR. # (Web In-Action)
No comments:
Post a Comment