Cabugao, Ilocos Sur – Naangay ti Meeting ti Cabugao Federated Senior Citizen nga idauluan ni Mr. Bonifacio Somera, Presidente ken ni OSCA Head Remigio Sunico idi Mayo 6, 2014 iti pasdek ti Senior Citizen’s Center, Brgy. Rizal, Cabugao, Ilocos Sur.
Inatendaran dagiti Opisiales ti MSWDO-Cabugao nga idauluan da MSWD Officer Mrs. Lydia S. Gazmen ken ni Mrs. Leonora G. Reintar, MSWD Assistant iti nasao a miting dagiti nataengan.
Kangrunaan a nagintekan ti saritaan dagiti Opisiales dagiti nataengan ket iti pakaseknan ti Saranay Association-da kadagiti barangay.
Segun ken ni Mrs. Reintar, nataming ti maipapan iti Financial Recording ken pagrebbengan dagiti kamkameng tapno naannayas ti pannakaurnos ken pannakaipagteng dagiti tulong kadagiti maseknan no adda minatayda. # (Web In-Action)
No comments:
Post a Comment