Cabugao, Ilocos Sur – Agbingay ti Balay Taripato ken ti ALS a pakaipanan ti donasion ni Vice Gov. Deogracias Victor B. Savellano kalpasan nga inawatna ti Ice Bucket Challenge manipud ken ni Gov. Ryan Luis V. Singson.
Kinarit met ni Vice Gov. DV Savellano da Mayor Edgardo S. Cobangbang, Jr. ken ni Vice Mayor Deogracias Jose Victorino H. Savellano nga agdigos iti sangatimba a timba a nayeluan a dagus met nga inawat ti anakna.
Kalpasan ti pannakabuyat ni ub-ubing a Savellano, kinaritna met ti sibubukel a Sangguniang Bayan, SB Secretariat ken Department Heads ti Munisipio, ken amin a Barangay Captain iti ili nga aramidenda daytoy.
Maysa a wagas ti Ice Bucket Challenge nga inyussuat ti ALS Foundation tapno magun-od iti awareness ken pakaur-oran iti pondo para iti ALS, maysa a neurodegenerative disease a mangapektar iti nerve cells iti utek ken spinal cord.
Proyekto ni Vice Gov. DV Savellano ti Balay Taripato a pakataraknan dagiti lallakay ken babbaket nga awanan iti kakabagian a mangkita kadakuada. # (Adapted, Tawidnews)
No comments:
Post a Comment