Cabugao, Ilocos Sur – Naangay ti Monthly Regular Meeting ti Liga ng mga Barangay Secretaries - Cabugao, Ilocos Sur nga idauluan ni Mr. Amador Salom, Presidente ken agdama a Brgy. Secretary ti Brgy. Cuancabal, Cabugao, Ilocos Sur idi Setiembre 4, 2014 iti 2nd Floor, Municipal Building.
Inasistiran ni Ms. Constancia “Connie” L. Quinola, MLGO Officer ti LGU-Cabugao dagiti Sekretario ti Barangay a nagmiting.
Kangrunaan a natratar ket ti pannakairaman iti Barangay Annual Budget 2015 ti maipapan iti pakaseknan ti Senior Citizen ken iti Gender and Development wenno GAD.
Naasikaso pay dagiti nalpas a papeles iti Barangay Annual Development Plan 2014 kasta metten iti pannakaisagana para iti sumaruno a Tawen 2015.
Maulit ti panagmiting dagiti 33 a Sekretario ti Barangay inton Setiembre 19, 2014 para iti pannakaipinal dagitoy a pakaseknanda. # (Web In-Action)
No comments:
Post a Comment