Cabugao, Ilocos Sur – Naikkan ti proyekto dagiti kameng ti Pag-asa Fishermen Association iti Barangay Namruangan, Cabugao, Ilocos Sur iti panangidaulo ni Mr. Virginio Rabor, Presidente, babaen iti Bureau of Fisheries and Aquatic Resources (BFAR) ken iti pannakinaming ti BFAR-Provincial Office ken iti LGU-Cabugao, Ilocos Sur.
Segun ken ni Mrs. Milagros R. Paz, Municipal Fisheries Coordinator, naited ti pakabuklan ti 19 Units a Hook and Line a para iti 30 a kameng ti Asosasion ket naited ti proyekto sakbay iti maysa nga aldaw a pannakaisuro kadagiti mangngalap iti usar dagitoy a ramit. Inyadal ni Mr. Mario Racho, Project Leader iti pannakausar ti nasao a ramit kadagiti mangngalap.
Nakikaysa iti Turnover daytoy a ramit ti pagkalap da SBM Benedicto M. Savellano, Committee Chair on Agriculture, Fisheries and Cooperatives; SBM Atty. Bryan Jett S. Pano; Mr. Belmor Bugaoan, Provincial Fishery Officer; MFARMC Chairman Danny S. Garcia; Brgy. Captain Robertson R. Gorospe ken ni Municipal Agriculturist Zenaida S. Andrada. Naangay ti turn-over idi Setiembre 3, 2014 iti Barangay Namruangan, Cabugao, Ilocos Sur. # (Web In-Action)
No comments:
Post a Comment