Cabugao, Ilocos Sur – Maibatay iti panagbisita ti Web In-Action idi Setiembre 6, 2014 iti Motorpool Section iti LGU-Cabugao a masarakan iti lote ti Munisipio iti masakupan ti Barangay Baclig, Cabugao, Ilocos Sur, kanayon a nadalus, nadalimanek ti uneg ken aglawlaw ken nakasagana a kanayon dagiti makinaria a kas iti Compactor 2, Grader, Payloader, Back Hoe, Mini--Back Hoe, Mini-road Roller, Municipal Bus, Robin Generator ken Generator with Power Spray iti inaldaw nga eskediul a trabahuen dagiti Operator kadagiti nadakamat a makinaria kadagiti barangay ken proyekto ti Munisipio.
Segun ken ni Ms. Jane P. Castillo, manarawidwid ti Motorpool a naidalimanek pay dagiti 12 nga Un-serviceable Equipments a naka-stand by iti uneg ti Motorpool.
Kabayatanna, uray ti aldaw ti Sabado no dayta ti nayeskediul a pannakaituloy wenno pannakaileppas dagiti matrabaho ket maiparuar dagiti makinaria babaen kadagiti nadesignaran nga Operator ken Drayber ti Munisipio tapno maituloy ti gapuanan dagiti mangmanehar kadagiti makinaria.
Ti Motorpool ti LGU-Cabugao ket tarawidwidan ti General Service Office (GSO) nga idauluan ni Mrs. Gemma Theresa S. Castillo, GSO-Designate ti LGU-Cabugao. # (Web Situational Report)
No comments:
Post a Comment