Cabugao,, Ilocos Sur - Naangay ti miting dagiti Opisiales/Kameng ti Cabugao Federated Association in Organic Agriculture nga idauluan ni Mr. Dominador Reynold S. Sabio, Presidente idi Setiembre 12, 2014 iti 2nd Floor, Municipal Building, Cabugao, Ilocos Sur.
Kangrunaan a natratar ket iti pannakabukel ti Asosasion a mangibagnos kadagiti agpatpataud ken agus-usar ti organic fertilizer iti Munisipalidad, pannakapaadda dagiti dadduma a nangruna a datos ken kasta metten iti pannakaala ti Masterlist dagiti agtarigagay a tumulong iti pannakaidur-as ti Organic Agriculture iti Munisipalidad kas mayalubog iti polisa ti Republic Act No. 10068 wenno:
“An Act providing for the development and promotion of Organic Agriculture in the Philippines and for other Purposes”.
Segun ken ni Mr. Nathaniel B. Galamgam, AT, Municipal Farmers’ Association Coordinator a nabukel ti nasao nga Asosasion babaen iti panagkammayet ti DA-RFO 1, OPAG-Ilocos Sur ken ti LGU-Cabugao.
Dagitoy nga aksion ken inisiatiba ket maigapu iti panangparegta ti LGU Cabugao nga idauluan ni Mayor Edgardo “Ediboy” S. Cobangbang, Jr. iti naan-anay nga implementasion ti Organic Agriculture ditoy Munisipalidad ti Cabugao tapno manayonan ti matgedan dagiti mannalon ken agtultuloy a maital-o ti kasasaad ti panagbiagda. # (Web In-Action)
No comments:
Post a Comment