PRE-QUALIFYING EXAM TI ALS, NAANGAY DITOY CABUGAO

Cabugao, Ilocos Sur – Segun ken ni Mr. Warren Sumibcay, ALS Mobile Teacher ti Alternative Learning System Community Center, Brgy. Bonifacio, Cabugao, Ilocos Sur,  nga adda 70  a bilang ti agad-adal iti nakipartisipar iti Alternative Learning System (ALS) Pre-Qualification Assessment for Accreditation and Equivalency Registrants  Examination  idi Setiembre 13, 2014 iti ALS Center ti Cabugao South Central School.

Tinarawidwidan ni Mr. Regie Laranan, Test Registration Officer, ALS DepED Division, Ilocos Sur iti nasao a Pre-Qualification Examination.

Insupusop pay ni Mr. Sumibcay a daytoy nga eksamen ket mangipakita iti pinal a panagrehistro dagiti ALS Learners para iti panageksamenda inton Disiembre 7, 2014 a pakaarisitan no maitutop met laeng a maikkanda iti mayataday a Sertipiko iti panagleppas iti Sekundaria wenno Elementaria babaen iti ALS-Accreditaion and Equivalency Program ti DepED ditoy nga ili. # (Web In-Action)