Friday, January 30, 2015

21 DAYS INTENSIVE TRAINING TI RIAA ATHLETES, AGTULTULOY

Cabugao, Ilocos Sur –  Maang-angay ti panagsanay dagiti napili nga Atleta a mapan makisalip iti Region 1 Athletic Association (RIAA) 2015 Competition  idiay Probinsia ti Pangasinan inton Pebrero 15-21, 2015.


Maaramid ti panagsanay iti Cabugao District Athletic Oval (Freedom Park)  kasta pay a mausar dagiti dadduma nga Sports Facilities ti ili a kas iti Cabugao Cultural and Sports Complex , Brgy. Bonifacio Covered Court ken iti Cabugao Central Park  (CCP)   Basketball Court.

Segun ken ni Mr. Pepe Adame, Assistant Training Director, maaramid ti 21 days intensive train ing-da maibilang iti aldaw ti Sabado ken Domingo, malaksid iti oras ti religious obligation nga oras dagiti Atleta ken Training Staff kadayta nga aldaw.

Innayonna a maar-aramid met daytoy iti dadduma a Probinsia a kas iti Ilocos Norte, Pangasinan ken La Union kadagiti  mangbukel a   Division iti uppat a Probinsia iti Rehion Uno nga agsasalip iti RIAA 2015 Competition.


Dagiti pakabuklan ti Division  ket iti Laoag City, Batac City, Ilocos Norte Division, Ilocos Sur Division, Vigan City, Candon City, La Union Division, San Fernando City, Pangasinan 1 – Central & Western (San Carlos City, Dagupan City, Alaminos City); Pangasinan 2 –Eastern (Urdaneta City) ken iti Pangasinan Division. 

Idauluan  ni Mr. Meneleo Palma, CSEE, Education Program Supervisor  1, MAPEH ken PESS Ilocos Sur Division Coordinator dagiti Sports Officials/Coaches/Trainors   ken idauluan met da Mr. Delfin Llagas, Training Director ken ni Mr. Pepe Adame, Assistant Training Director dagiti mangisursuro ken agsansanay nga ubbing.

Dagiti sports event a pagsanayan dagiti ubbing ket iti Archery, Arnis, Athletics (running, throwing ken jumping), Badminton, Baseball, Basketball, Boxing, Chess, Football (Soccer), Gymnastics, Lawn Tennis, Sepak Takraw, Softball, Table Tennis, Taekwondo, ken Volleyball (Men & Women).  # (Web In-Action)

No comments:

Post a Comment