Cabugao, Ilocos Sur – Naangay ti 1st Monthly Meeting ti Tawen 2015 iti Cabugao Federated of Senior Citizens nga idauluan ni Mr. Bonifacio Somera, Presidente iti Enero 20, 2015 iti Senior Citizen’s Center, Brgy. Rizal, Cabugao, Ilocos Sur.
Binayabay ida da Mrs. Lydia S. Gazmen, MSWD Officer-LGU Cabugao kasta metten ni OSCA Head Remigio S. Sunico. Kalpasan ti pannakaipaay ti ababa a kararag, naibasa ti Minutos ti Miting iti naudi a panagtitipon dagiti Opisiales ti Pederasion babaen ken ni Mrs. Carlita Sesuca, Sekretario. Kalpasanna ket naestudiar ti napalabas a napagsasaritaan ket adda nangimosion a nataengan a makatakder ti Minutos ket maaprobaran.
napanagnanamingan dagiti isagana dagiti nataengan a partisipasionda iti masungad a 2013 Ragsak Cabugao Festival.
Imbatad ni Mr. Somera a naannayas ti programada iti Saranay iti masakupanda ken kalikagumanda a manayonan ti pundoda tapno adda madadaan nga aramatenda iti dadduma pay a proyekto ken aktibidades a mangparegta kadakuada.
Immuna a nagsarita ni Mr. Bonifacio Somera, Presidente. Impeksa ni Mr. Somera iti panagyamanda iti agtultuloy a tulong ken suporta ti LGU-Cabugao nga idauluan ni Mayor Edgardo “Ediboy” S. Cobangbang, Jr. babaen iti pannakaipaay ti P20,000 a gatad a Pamaskua ti Munisipio kadagiti Senior Citizens ti Cabugao a maysa daytoy ita a mapagsasaritaanda no ania ti pakaipaayan ti nadakamat a kantidad.
Daytoy umuna a Martes ti Tawen 2015 ket isu ti pannakaangay ti Action Planning Workshop for Senior Citizens, segun pay iti Presidente.
Dagiti dadduma nga Agenda nga inda mapagsasaritaan ket dagiti sumaganad:
1.Sagot-Ayat kada Lolo ken Lola.
2.Donations/Grants
3.Skills Training
4.Elderly Week Celebration
5.Information Education Campaign
Kalikaguman pay dagiti Opisiales ti pannakapasayaat ti Financial Record-da ta daytoy ti maysa a tulbek ti naballigi nga Asosasion, segun iti Presidente ti Senior Citizen. # (Web In-Action)
No comments:
Post a Comment