Cabugao, Ilocos Sur – Nagatendar ni Dr. Melvyn G. Castro, DVM, Municipal Livestock Coordinator ti LGU-Cabugao iti naaramid a Livestock Inspectors Meeting idiay Heritage City of Vigan idi Enero 21, 2015 babaen iti pakaammo ni Dr. Joey Warren A, Bragado, DVM, Provincial Veterinarian.
Kanaig daytoy, natratar dagiti sumaganad:
1.Preparasion ti workplan iti mass rabies vaccination.
2. Presentasion iti guidelines ken criteria iti Pinaka-Livestock Contest iti Kannawidan Festival inton Pebrero 3, 2015.
3. Eskediul iti Pre-Exposure Prophylaxis on Rabies.
4. Maitugot iti 2014 Last Quarter Livestock Inventory Report.
Kabayatanna, nangaramid a dagus ti aksion ti Municipal Livestock Office – DA LGU Cabugao babaen iti mailungalong a pannakaangay ti Anti-Rabies Campaign (injection ti anti-rabies kadagiti household pets a kas iti aso ken pusa) ket mayeskediul iti tunggal barangay a mangrugi iti agtapos ti Enero 2015.
Dagitoy nga aksion ken inisiatiba ket resulta iti napintas ken agtultuloy a panagkammayet ti LGU-Cabugao ken iti Gobierno Probinsial babaen iti Provincial Veterinary Office. # (Web In-Action)
No comments:
Post a Comment