Thursday, January 29, 2015

DALUS KEN INSPEKSION TI NISTC PUBLIC MARKET 2015, MAIGAN-GANNUAT

Cabugao, Ilocos Sur -  Segun ken  ni Market Supervisor Norma S. Bertumen, Market Supervisor a pinaregtana ti agtultuloy a pannakalinis a nasayaat ti las-ud ti Tiendaan (NISTC Public Marklet)  maigapu pay  iti napalabas a napaut a Holiday. Innayonna a timmulongda a nangbunag kadagiti dadduma pay a wara nangruna kadagiti selopin (non-biodegradable materials) ket agtultuloy nga isayangkat dagiti Personnel ti NISTC Public Market a tumulong nga agikkat kadagiti rugit.

Kabayatanna, malaksid iti maar-aramid a “Flushing” iti basar ken stalls iti paglakuan ti ikan ken karne ket naasikaso pay ti septic tank kasta met a  maigidgiddan ti inspeksion kadagiti ambulant vendors babaen iti panagpasiar ken panagpalagip ti Sanitary Inspector ti LGU-Cabugao kadagiti Food Handlers nga aglaklako iti ikub ti Tiendaan ket naibaga kadakuada iti pannakaipabaro ti lisensiada ita a Tawen 2015.

Malaksid iti uneg ti Tiendaan, agtultuloy met ti koordinasion ti Opisina ti MENRO-LGU Cabugao ken ni Mrs. Bertumen iti agtultuloy met a pannakadalus ti agsumbangir ti Kalsada Nasional a batog ti Tiendaan agraman kadagiti drainages tapno agtultuloy a nasigo ti sanitasion ken nasalun-at nga aglawlaw ti NISTC Public Market a para met laeng iti sapasap. # (Web Situational Report)

No comments:

Post a Comment