ORGANIC AGRICULTURE, PURSIGIDO NGA IPATUNGPAL TI LGU ITI 2015

Cabugao, Ilocos Sur – Iti pannaki-amad ti Web In-Action iti Enero 21, 2015, agtultuloy nga asikasuen da Mr. Obas Bill Y. Baclig, AT ken ni Mr.  Nathaniel B. Galamgam,  AT,   Organic Production Focal Person  iti pannakaipatungpal ti nasao a proyekto iti Vermicompost/Vermiculture  Bin a masarakan iti compound  ti Municipal Plant and Nursery, Brgy. Baclig, Cabugao, Ilocos Sur.

Innayon ni Mr. Baclig a ti Vermiculture/Vermicomposting Project ti DA-LGU ket panggepna a patuladan/tignayen  ken ipakita iti epekto ti organiko a ganagan  iti mula a pagay ken nateng maibatay iti sinaguday  ti  Akta Republika a linteg a mangipatungpal iti Organic Agriculture  ket agbalin a kapartner ti DA iti LGU-Cabugao  iti implementasion ti nadakamat a linteg. 

Iti agdama,   ti nadakamat a Vermicompost  Production  ti DA-LGU Cabugao  ket agpaay a proyekto a  mangkomplementar    iti programa ti Gobierno Munisipal nga idauluan ni Mayor Edgardo “Ediboy” S. Cobangbang, Jr.  iti pannakaipatungpal/pannakaidur-as  ti  Organic  Agriculture iti Sektor dagiti mannalon    ditoy a deppaar. 

Kabayatanna, pursigido ti Gobierno Lokal ti ili a Cabugao, Ilocos Sur a mangipatungpal iti pannakausar ti Organiko nga abuno iti pannakaidur-as ti agrikultura ditoy nga ili babaen iti pannakairubuat ti programa idi Tawen 2014 babaen iti pannakaited kadagiti sumaganad a kasapulan dagiti Recipient-Farmers a naggapu iti lima a barangay kas iti Brgy. Baclig-Mr. D. Reynold Sabio; Turod Patac- Mr. Edgardo Celestino Sonido;  Pug-os - Mr. Arnold V. Yangat; Dardarat - Mr. Sonny Silario ken ni Mr. Nestor Surbida ti  Brgy. Marga-ay ken kasta metten  a mairaman iti Municipal and Plant Nursery ken iti Municipal Techno-Demo a masarakan iti Brgy. Marga-ay, Cabugao, Ilocos Sur.

Segun ken ni Mr. Nathaniel B. Galamgam, Municipal Focal Person iti Organic Agriculture Program, naiteden  dagiti kasapulan dagiti nadakamat a benepisiario a pakabuklan iti 3 a Knapsack Sprayer, 40 Bags Organic Fertilizer ken 30 Bags a Mungbean kas maibatay iti kasapulan ken area a masakupan ti tunggal Cooperator ti programa.

Innayon pay ni Mr. Galamgam a babaen iti pannakaipakita iti umisu a  wagas ken addang kadagiti Techno-Demo ti Munisipio kasta met kadagiti Beneficiaries ket in-inut a maadaptar dagiti dadduma a mannalon babaen iti panangtuladda ket  agresulta iti panagsaknap ti pannakaipakat daytoy a teknolohia iti Tawen 2015 a mangikabassit ti gastosen ni mannalon ken mangnayon iti masapulanda iti panagmulaan. # (Web In-Action)