Monday, December 28, 2015

FLAG CEREMONY TI DISIEMBRE 28, 2015, KINOMENDARAN NI MAYOR EDIBOY TI PNP-BFP

Cabugao, Ilocos Sur – Kalpasan ti Flag Ceremony iti Disiembre  28, 2015, kinablaawan ni Mayor Edgardo “Ediboy” S. Cobangbang, Jr. dagiti katinnarabayna nga Opisiales-Lokal ti Ili;  Department/Section  Heads dagiti Opisina ti LGU;  kameng ti PNP; BFP ken ti NTA-Cabugao ken iti amin nga LGU Personnel ken kinablaawanna ida iti Naragsak a Paskua ken Nagasat a Baro a Tawen!

Kanaig daytoy, kinomendaran ti Municipal Chief Executive  dagiti kameng ti PNP-Cabugao ken ti BFP-Cabugao iti pannakamantener ti linak ken talna iti kalleppas a panagselebrar ti Paskua 2015 ditoy Cabugao ket kalikagumanna a maitultuloy daytoy a gapuananda agingga iti umay a panagselebrar iti Baro a Tawen 2016. 

“Congratulations for a  job well done!” impeksa ni Mayor Ediboy.

Inggunamgunam ti Ama ti Ili nangruna kadagiti adda iti  Munisipio a pariknaanda latta koma ti nasayaat ken ikkanda iti mainugot a panawen kadagiti tattao nga umay nga adda kasapulanda ditoy Munisipio.

Insupusop ti Ama ti Ili iti agtultuloy koma a pannakamantener ti napintas a panagparking ti lugan idiay NSTC Public Market tapno maikkan latta iti kombeniente a panaggunay dagiti marketgoers nangruna kadagiti aggapu iti sabali nga ili a gumatang ditoy kabayatan iti napaut a Holiday Season!
Pinagyamananna ken binigbigna pay ti partisipasion iti amin iti panangaramid dagiti agserserbi iti Munisipio iti pagrebbenganda nga agatendar iti Misa iti Simbaan kabayatan iti Holiday Celebration. # (Web In-Action)

No comments:

Post a Comment