Cabugao, Ilocos Sur – Maang-angay latta ti 16-Day Skills/Livelihood Training on Good Agricultural Practices (GAP) on Vegetable Production dagiti 4 P’s Beneficiaries iti 33 a barangay ti Cabugao, Ilocos Sur a nangrugi idi Disiembre 1, 2015 ken agpatingga inton Disiembre 16, 2015 babaen iti panangiwayat ti DSWD ken iti Staff ti MSWDO-LGU Cabugao nga idauluan ni MSWD Officer Mrs. Lydia S. Gazmen.
Naglektiur dagiti pannakabagi ti DA (LGU-Probinsial) nga isuda Mrs. Ester P. Aguimbag, Municipal HVCDP Coordinator ken ni Mrs. Remedios Inovejas, OPAG-Ilocos Sur ket maaramid iti tallo nga aldaw ti panagsanay iti kada batch (uppat a batches ti pakabingayan ti 33 a barangay a pagnaedan dagiti 4 P’s Beneficiaries).
Maaramid ti aktual a pannakaisuro ti panagaramidan ti organiko a ganagan babaen iti panangiwardas dagiti pannakabagi ti DA iti maikatlo nga aldaw dagiti 1st ken 2nd Batch a nagsanay.
Kabayatanna, nairugi ti 3rd Batch ti Training iti Disiembre 9, 2015.
Iti nasao a training, nakikaysa da MSWD Officer Mrs. Lydia S. Gazmen; Mrs. Wilma S. Cruz, Focal Person ti SLP Cabugao ken ni Mr. Dennis P. Aguimbag, SLP-PDO ti SLP-DSWD kasta metten dagiti Staff ti MSWDO-Cabugao ken ti 4 P’s Municipal Link-Cabugao.
Nangipaay metten ti Mensahe ni Mayor Edgardo “Ediboy” S. Cobangbang, Jr. ket kunana nga isuda nga agsanay ti nakaigapuan ti pannakaiyalokar ti 2.1 Million a pundo ti training babaen iti DSWD a magastos iti panagsanayda.
Innayon ni Mayor Ediboy a kasapulan a lalaingenda ti ag-training ta agnanayonto dayta a nasursuroda a kabukbukodanda a para iti pagsayaatanda.
Sakbayna, nangipaay met ti mensahena ni SBM Atty. Bryan Jett S. Pano, Committee Chairman on Social Services kadagiti madama nga agsansanay ken nagatendar met dagiti dadduma a Konsehales iti Ili kabayatan iti pannakaaramid ti panagsanay dagiti 4 Ps Participants. # (Web In-Action)
No comments:
Post a Comment