Thursday, December 3, 2015

PASILIDAD TI PUBLIKO, MAISAGSAGANA PARA ITI PASKUA 2015

Cabugao, Ilocos Sur – Nakasagana dagiti pampubliko a pasilidad iti panagselebrar ti Paskua 2015 ken panangsagrap dagiti umili (Bakasionista ken Balikbayan)  iti kaipapanan ti napaut a Holiday Season kas iti papanda iti Parke (Freedom Park, Rizal Park ken Cabugao Central Park), Plaza, NISTC Public Market, Food Court, pasilidad ti Sports ken Recreation iti CCP ken iti Sports Complex.

Kabayatanna, nakasagana latta ti Clean and Green Team ti Munisipio nga idauluan da MENRO Edgar S. Balangatan, Mr. Dondon Peralta  ken ni Mr. Richard Pula a mangmantener ti kinadalus ti aglawlaw, processional routes ken iti National Highway (Sagayaden-Pug-os).

Mainayon ditoy ti agtultuloy a pannakaiwayat ti nasaknap a panagdalus kadagiti Beach ken Resorts ti Munisipalidad para kadagiti agpasiar ken agselebrar iti igid ti kabaybayan babaen iti panangilungalong  ti Clean and Green Team ken regular a Clean-up Drive dagiti Opisiales ken bumarangay iti pito a coastal barangays iti Barangay Dardarat, Salomague, Sabang, Namruangan, Daclapan, Salapasap ken Pug-os a buklen dagiti Barangay Council, 4 P’s Members, RIC Members, 4-H Club ken BPAT’s/Barangay Tanod. # (Web In-Action)

No comments:

Post a Comment