Thursday, December 17, 2015

SINELEBRARAN TI CABUGAO NORTH CS TI CHRISTMAS PARTY 2015

Cabugao, Ilocos Sur – Naangay ti pannakaselebrar ti Christmas Party  2015 ti Cabugao North Central School idi  Disiembre 16, 2015 iti Cabugao Cultural and Sports Complex, Brgy. Rizal, Cabugao, Ilocos Sur a nagatendaran dagiti ubbing nga agad-adal, mangisursuro, nagannak, bisita, ken dagiti PTA Officials.

Kalpasan ti pannakakanta ti National Anthem, Cabugao Hymn ken Ilocos Sur Hymn, naaramid ti Roll call of every grade with yell ken Intermission  Number dagiti Selected Grade VI Pupils. 

Panglukat a sarita ti  impaay ni Mr. Jose Paligutan,  PTA President.

Kimmablaaw ken nagyaman ta nadanonan manen ti panagrambak ti sangkataw-an iti pannakaipasngay ti Naindaklan a Mannubbot.

Kalpasan ti Intermission Number, nag-mensahe met ni Mrs. Estrellita M. Siruno, Principal II ti Cabugao North CS. Bininsana ti pateg ti ayat ken panagsisinnagut ita a panawen ti Paskua. Kimmablaaw ken dinayawna iti maipakpakita a kinaragsak ti  panagselebrar a kangrunaan a napateg a lagipen ken rambakan daytoy a panawen ti Paskua.

Naipabuya ti Christmas Tableau babaen iti kadagiti Selected Pupils. Naipabuya dagiti Intermission Number manipud Grade VI agingga iti Kindergarten.

Ti Part II ti Programa ket iti Mass Creative Dances ken naisaganad dagiti siam ti  klasena  a  Parlor Games. Naaramid pay ti Sagot Pagyaman.

Closing Remarks ti binagi ni  Mrs. Evangeline Seatriz. Nagyaman iti amin a nagatendar ken iti naballigi a selebrasion ti Paskua 2015  ditoy a pagadalan.

Nagpaay nga Emcee da Ms. Gaezle Galamgam ken ni Mr. Andy Pitas, agpada a Practice Teacher.  # (Web In-Action)

No comments:

Post a Comment