Cabugao, Ilocos Sur – Naangay ti Christmas Celebration 2015 ti Cabugao Federated Senior Citizens nga idauluan ni Mr. Bonifacio Somera, Presidente iti Disiembre 15, 2015 iti Cabugao Cultural and Sports Complex, Brgy. Rizal, Cabugao, Ilocos Sur.
Sakbayna, nasapa a napan nakimisa iti Cabugao Catholic Church dagiti kameng sada nagtarus iti pakaangayan ti programa ken selebrasion.
Napnuan regta ken ragsak dagiti nataengan (lallakay ken babbaket) ket nasapada a nagtataripnong iti dayta a bigat. Impamatmat dagiti nagpartisipar a nataengan a nangirepresentaranda ti barangayda iti kabaelanda ken talentoda.
Nakikaysa dagiti Municipal Officials nga idauluan ni Mayor Edgardo “Ediboy” S. Cobangbang, Jr. ken ni Mrs. Lydia S. Gazmen, Municipal Social Welfare Development Officer ti ili a Cabugao.
Nag-Opening Remarks ni Mr. Bonifacio Somera, Presidente. Inawisna ti amin a makipaset kadaytoy a panagselebrarda kas panangipakita ti panangpadayaw iti pannakaipasngay ti Mannubbot a mangisalakan ti sakangtaw-an.
Kalpasan dagiti Intermission Number, nangipaay ti Mensahe ni Mayor Edgardo “Ediboy” S. Cobangbang, Jr. Kimmablaaw ken nagyaman iti maipakpakita a pannakikammayet dagiti nataengan ken iti agtultuloy a pammatida iti Gobierno Munisipal.
Dinayaw ni Mayor Ediboy iti nagteng dagiti nataengan nga edad ken pribilehio a maipapaay kadakuada a kas pagwadan kadagiti sumarsaruno a henerasion.
Kangrunaan pay nga anag ti Mensahe ni Mayor Ediboy iti panangipaay ti “Ayat” iti pada a tao. Imbatad ti Ama ti Ili iti naipangruna a panangiparikna ti Gobierno Munisipal ti suporta ken pammategna kadagiti nataengan kadagiti aktibidades ken programa a naisayangkatdan tapno masupapakanto met iti napintas a pagbanagan dagiti agdama a henerasion iti panagbalinda a nataengan.
Indauluan ni Mayor Ediboy ken binayabay dagiti Municipal Officials iti pannakaited dagiti sagutda kadagiti Senior Citizen ti ili a Cabugao. Sangsangkamaysa a nagyaman dagiti amin a naitallaong a nataengan kadagiti Opisiales ti Ili.
Nangipaay met ti Mensahe da SBM Atty. Bryan Jett S. Pano, Committee Chairman on Social Services kasta metten ken ni Retired Judge Efren S. Ubungen.
Kimmablaaw met ni Mr. Josh Edward S. Cobangbang iti pannakaawisna a makidanggay kadagiti nataengan iti panagselebrarda ti Paskua 2015.
Panagayat, panagkaykaysa ken panagsisinnagut ti kangrunaan a Tema ken anag ti Mensahe dagiti nagsarita iti daytoy a selebrasion.
Nakikaysa met da SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; SBM Benedicto M. Savellano; SBM Josefina S. Vallejo; SBM Jayhan Charisma Alcid-Tan; ABC President Thaddeus “Teddy” Soller; OSCA Head Mr. Remigio Sunico ken dagiti Staff ti MSWDO-Cabugao.
Naisaganad ti pannakaaramid iti Raffle Draw ken Exchange Gift kadagiti nangted ti sagutda. Naileppas ti programa a naballigi ken siraragsak dagiti nataengan a nagawid iti pagtaenganda. # (Web In-Action)
Sakbayna, nasapa a napan nakimisa iti Cabugao Catholic Church dagiti kameng sada nagtarus iti pakaangayan ti programa ken selebrasion.
Napnuan regta ken ragsak dagiti nataengan (lallakay ken babbaket) ket nasapada a nagtataripnong iti dayta a bigat. Impamatmat dagiti nagpartisipar a nataengan a nangirepresentaranda ti barangayda iti kabaelanda ken talentoda.
Nakikaysa dagiti Municipal Officials nga idauluan ni Mayor Edgardo “Ediboy” S. Cobangbang, Jr. ken ni Mrs. Lydia S. Gazmen, Municipal Social Welfare Development Officer ti ili a Cabugao.
Nag-Opening Remarks ni Mr. Bonifacio Somera, Presidente. Inawisna ti amin a makipaset kadaytoy a panagselebrarda kas panangipakita ti panangpadayaw iti pannakaipasngay ti Mannubbot a mangisalakan ti sakangtaw-an.
Kalpasan dagiti Intermission Number, nangipaay ti Mensahe ni Mayor Edgardo “Ediboy” S. Cobangbang, Jr. Kimmablaaw ken nagyaman iti maipakpakita a pannakikammayet dagiti nataengan ken iti agtultuloy a pammatida iti Gobierno Munisipal.
Dinayaw ni Mayor Ediboy iti nagteng dagiti nataengan nga edad ken pribilehio a maipapaay kadakuada a kas pagwadan kadagiti sumarsaruno a henerasion.
Kangrunaan pay nga anag ti Mensahe ni Mayor Ediboy iti panangipaay ti “Ayat” iti pada a tao. Imbatad ti Ama ti Ili iti naipangruna a panangiparikna ti Gobierno Munisipal ti suporta ken pammategna kadagiti nataengan kadagiti aktibidades ken programa a naisayangkatdan tapno masupapakanto met iti napintas a pagbanagan dagiti agdama a henerasion iti panagbalinda a nataengan.
Indauluan ni Mayor Ediboy ken binayabay dagiti Municipal Officials iti pannakaited dagiti sagutda kadagiti Senior Citizen ti ili a Cabugao. Sangsangkamaysa a nagyaman dagiti amin a naitallaong a nataengan kadagiti Opisiales ti Ili.
Nangipaay met ti Mensahe da SBM Atty. Bryan Jett S. Pano, Committee Chairman on Social Services kasta metten ken ni Retired Judge Efren S. Ubungen.
Kimmablaaw met ni Mr. Josh Edward S. Cobangbang iti pannakaawisna a makidanggay kadagiti nataengan iti panagselebrarda ti Paskua 2015.
Panagayat, panagkaykaysa ken panagsisinnagut ti kangrunaan a Tema ken anag ti Mensahe dagiti nagsarita iti daytoy a selebrasion.
Nakikaysa met da SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; SBM Benedicto M. Savellano; SBM Josefina S. Vallejo; SBM Jayhan Charisma Alcid-Tan; ABC President Thaddeus “Teddy” Soller; OSCA Head Mr. Remigio Sunico ken dagiti Staff ti MSWDO-Cabugao.
Naisaganad ti pannakaaramid iti Raffle Draw ken Exchange Gift kadagiti nangted ti sagutda. Naileppas ti programa a naballigi ken siraragsak dagiti nataengan a nagawid iti pagtaenganda. # (Web In-Action)
No comments:
Post a Comment