Cabugao, Ilocos Sur – Iti maikatlo nga aldaw (Hunio 1, 2016) ti Brigada Eskwela 2016 iti nasao a pagadalan, inyallawat ni Mr. Dario Roy Siruno kadagiti Teaching Staff ti nasao a pagadalan nga idauluan ni Mrs. Estrellita M. Siruno, Principal II ti donasion ti pamiliana nga school bags para kadagiti agkasapulan nga ubbing para iti umay a panagseserrek ti klase iti Hunio 13, 2016.
Impeksa ti Principal iti nasao a pagadalan iti naan-anay a panagyaman ti pageskuelaan iti Pamilia-Siruno iti ipaayda nga ayat kadagiti agad-adal a makasapul iti tulong para iti alikamen ti agbasa. Inawat dagiti mangisursuro iti nadakamat a pagadalan dagiti nadakamat nga school bags iti sango ti ECS Building, Cabugao North Central School idi Hunio 1, 2016 nga inimatangan dagiti Stakeholders iti Brigada Eskwela 2016 iti nasao a pagadalan.
Kabayatanna, kas paset iti Corporate Social Responsibility Program ti Pepsi-Cola, Inc., nagited met dagiti Opisiales ken kameng ti Kompania iti school bags ken school supplies kadagiti agad-adal iti Grade 1 ken 2 iti Cabugao South Central School kamalman iti dayta a petsa. Indauluan ni Mrs. Melvie S. Sajonia, Principal II ken kakaduana a mangisursuro a nangtulong kadagiti pannakabagi ti nadakamat a kompania a nagiwaras iti ramit-pagadalan kadagiti nasao a Grade Levels iti pagadalan. # (Web In-Action)
No comments:
Post a Comment