Cabugao, Ilocos Sur – Naaramid ti Ceremonial Distribution of Certificates ken Starter Kits kadagiti Trainees iti Hog Fattening ken Meat Processing iti Cabugao Cultural and Sports Complex, Brgy. Rizal, Cabugao, Ilocos Sur iti Hunio 3, 2016.
Buklen ti Starter Kits dagiti kompleto a ramit a mausar tapno maiyaplikar dagiti nagsanay itoy a livelihood assistance iti naadalda.
Nagatendar ken nagsarita ni Mayor Edgardo “Ediboy” S. Cobangbang, Jr. ket kimmablaaw ken nagyaman ta agtultuloy latta ti panagited ti DSWD-DTI iti agtultuloy a proyekto a pakaseknan iti pagbiagan dagiti adda iti sektor-marigrigat a kaamaan ti 4 Ps ken komkomplementaran latta met ti LGU-Cabugao babaen iti panangtulongda iti kasapulan dagiti Trainees/Recipients.
Nangted pay ti Mensahe kadagiti Recipients da SBM Atty. Bryan Jett S. Pano, Committee Chairman on Social Services; Mayor-Elect Josh Edward “Ediboy” S. Cobangbang ken kasta metten ken ni Mr. Dennis P. Aguimbag, SLP-PDO ti SLP-DSWD.
Nagatendar met da MSWD Officer Mrs. Lydia S. Gazmen ken kasta metten dagiti Staff ti 4 Ps Municipal Link-Cabugao nga isuda Miss Jessie Ann O. Tabut ken ni Miss Juliet Madriaga iti nasao a turnover ti starter kits.
Naileppas ti panagsanay dagiti 4Ps Beneficiaries a naggapu iti 22 a barangay ti ili a Cabugao, Ilocos Sur idi Marso 21-23, 2016 iti Cabugao Cultural and Sports Complex, Brgy. Rizal, Cabugao, Ilocos Sur.
Umabot ti 100 a 4 Ps Trainees ti nabenepisiaran ken nagpartisipar kadaytoy a kurso nga inggannuat ti Sustainable Livelihood Program (SLP) ti DSWD ken nakikammayetan ti LGU-Cabugao nga idauluan ni Mayor Edgardo “Ediboy” S. Cobangbang, Jr. ken ti Department of Trade and Industry (DTI) para kadagiti umili a seknan ti programa kadagiti Barangay ti ili. # (Web In-Action)
No comments:
Post a Comment