Cabugao, llocos Sur – Naaramid ti pannakai-turnover ti HR (Ryan Rice) babaen iti Ryan Hybrid Rice Assistance Program a proyekto ti Provincial Government ken ti Department of Agriculture (DA) kadagiti mannalon ti Cabugao, Ilocos Sur.
Iti aldaw ti distribusion, Hunio 10, 2016, immawat ti saggaysa a pack a Hybrid Rice 182 (Ryan Rice) ti tunggal naka-ID a Farmer babaen iti panangiyawat dagiti pannakabagi ti DA-LGU nga idauluan ni Acting Municipal Agriculturist Robert S. Savella ken ti pannakabagi ti OPAG-Ilocos Sur.
Indauluan ni Mayor Edgardo “Ediboy” S. Cobangbang, Jr. dagiti umili ti Cabugao, Ilocos Sur nga agyamyaman ken ni Governor Ryan Luis V. Singson kadaytoy a naited a pangnayon dagiti mannalon iti usarenda iti panagtalonda iti Wet Season 2016 ken agyaman pay kadagiti mannalon ta ammoda a tuntonen ti serbisio a para kadakuada ket inggunamgunam ti Ama ti ili a dagitoy a napateg a maited kadakuada a pagrubuatanda nga agmula ket ammoda koma ti agyaman, taginayonenda ti kinamanagtungpalda iti pagannurotan ken no makitada dagiti adda iti Gobierno Probinsial nga idauluan da Gov. Ryan ken ni Vice Gov. Jerry Singson ket agyamanda latta tapno dida latta maum-uma a mangted iti pagsayaatan dagiti mannalon nangruna iti ili ti Cabugao, Ilocos Sur.
Imbagian ni Ms. Lolita Arce ti OPAG-Ilocos Sur a nangimatang iti distribusion ti Ryan Rice Seeds ditoy nga ili.
Nakikaysa pay iti nasao a taripnong dagiti Opisiales ti 33 a Barangay kasta metten kadagiti Presidente ti mannalon a nangtarabay kadagiti kabarangayanda nga immawat kadagitoy a pagimbagan. # (Web In-Action)
No comments:
Post a Comment