Thursday, January 26, 2017

FIELD DAY HARVEST FESTIVAL TI SL-8 TECHNO-DEMO, NAANGAY

Cabugao, Ilocos Sur  – Naisayangkat ti Field Day Harvest Festival  iti   pagtatalonan iti Field Cooperator ti Technology Demonstration Project in Irrigated Areas (Dry Season 2016-2017) idi Enero 25, 2017 sadiay  Sitio Callaguip, Barangay Turod, Cabugao, Ilocos Sur.

Ti klase ti pagay a naimula ken  naidemonstrar ket iti SL-8 ken SL-12  Hybrid Rice.

Sakbayna, naguurnong dagiti mannalon iti Field Day Site iti National Highway nga agpa-Salomague Port   a kaduada dagiti Opisiales ken Empleado ti DA-LGU-Cabugao ket immuna a pinasiarda ti nakaimulaan dagitoy a klase ti pagay sada nagsubli iti pakaangayan ti programa a pagipresentaranda kadagiti datos iti wagas ti panangpatan-ayda kadagiti nadakamat a klase ti pagay.

Iti naangay a programa,  nangited ti Opening Prayer ni Ms. Marjorie Castillo, MAO Technical Assistant; pannakakanta ti National Anthem ni Ms. Anita Calaranan, RIC President ken Opening and Welcome Remarks ni Turod Brgy. Captain Inocencio Sadac. Impeksa ni PB Sadac  iti panagyamanna ken ragsakda a mangabrasa kadagiti programa ti Pribado a kompania ti SL-8 ken CER-BIO Organic ken iti LGU-Cabugao  kadagiti  mannalon iti barangayda.

Nangited ti Messages ken Presentation of Results dagiti pannakabagi ti SL Agritech ken CER-BIO Organic. 

Segun ken ni Mr. Nereo S. Daproza, AT, dati a Municipal Rice Program Coordinator ket nakapasa dagitoy a klase ti pagay iti pagbasaran ti kalidad ken kaadu ti naapit ket mairekomendar nga adaptaren dagiti mannalon iti lokalidad.

Nangted pay ti Message and Challenge ni Mr. Edgardo Garcia, Turod FA President.

Nasangaili iti nasao a taripnong dagiti  Opisiales ti mannalon   iti Barangay Turod.

Nagyaman dagiti  mannalon agraman dagiti Opisiales ti Barangay iti Barangay Turod ket kiniddawda iti  pannakaaramid latta ti  sabali a Techno-Demo iti sumarsaruno a panagmumula ti pagay ditoy barangay-da.

Dagitoy nga aksion ken inisiatiba ket paset iti agtultuloy a  pannakaidur-as ti programa ti Agrikultura iti  Gobierno Munisipal babaen iti liderato ni Mayor Josh Edward S. Cobangbang. #  (Web In-Action)

No comments:

Post a Comment