Cabugao, Ilocos Sur - Manayonan ita ti adalen dagiti nagsanay iti Welding Skills Training a naggapu iti nadumaduma a barangay ti ili a Cabugao, Ilocos Sur iti Cabugao Cultural and Sports Complex ket mangrugida iti Enero 23, 2017 nga agsanay ken manamnama nga agpatinggada inton Pebrero 1, 2017.
Ti panagsanay ket agpaut iti 10 nga aldaw, segun ken ni Mr. Mark Lester Acdan, Trainor manipud iti Igama Colleges Foundation, Inc., Badoc, Ilocos Norte.
Innayon ni Mr. Acdan a manayonan ti 10 nga aldaw ti aktual a panagsanay dagiti immuna a nag-trainee no maipasada iti pagrukodan iti Assessment sakbay a maited kadakuada iti NC II iti TESDA maibasar iti napagnunumuan iti LGU-Cabugao ken iti kapartnerna a mangipatungpal itoy a proyekto.
Daytoy a panagsanay ket ipatungpal ti LGU-Cabugao babaen iti BUB Program ti DILG ken iti Technical Education and Skills Development Authority (TESDA)-Vigan City ditoy Cabugao kadagiti indibidual a mangpadur-as iti kabaelanda iti teknikal a kurso kasapulan iti lokalidad iti agdama. # (Web In-Action)
No comments:
Post a Comment