Cabugao, Ilocos Sur – Iti pannakiuman ti Web In-Action ken ni Dr. Mark-Lawrence Tirao, M.D., Doktor a Destino ditoy Municipal Health Office ti Cabugao idi Enero 26, 2017, imbatadna a naiyeskediul ti ipapan panagbarangay dagiti Medical Personnel ti Cabugao Rural Health Unit (RHU)-Municipal Health Office (MHO) a buklen dagiti Nurses ti RN-Heals ken RHU Medical Personnel nga idauluan ni Dr. Bettina V. Ramos, M.D. iti kallabes a bulan.
Kabayatanna, innayon ni Dr. Tirao a dakkel a katulonganda iti report maipapan iti salun-at manipud kadagiti Barangay Health Workers (BHWs) kadagiti barangay ken iti akem ti Kalusugan Pangkalahatan a programa ti DOH ken iti LGU. Nupay kasta, dagiti saan a makaatendar iti panagpasiar dagiti Medical Personnel iti barangay ket maibaonda nga umay ditoy RHU para iti pannakatamingda no adda pakaseknanda iti salun-atda.
Dagitoy nga aksion ken inisiatiba ket parte iti agtultuloy a pannakaidur-as ti serbisio ti salun-at kadagiti agnanaed iti aw-away wenno barangay iti ili a pannakaidanon ti serbisio babaen iti agtultuloy a Programa ti Salun-at ti LGU-Cabugao nga idauluan ni Mayor Josh Edward S. Cobangbang. # (Web In-Action)
No comments:
Post a Comment