Cabugao, Ilocos Sur – Naangay ti Meeting ti Municipal Fisheries and Aquatic Resource Management Council (MFARMC) ti ili a Cabugao, Ilocos Sur nga idauluan ni Mr. Danny Garcia, Chairman idi Pebrero 23, 2017 iti Rizal Park, Barangay Rizal, Cabugao, Ilocos Sur.
Nagatendar dagiti dadaulo ti Fishermen Association iti pito a Coastal Barangays ket trinatarda dagiti pakaseknan dagiti mangngalap ken iti kabaybayanda.
Tinarabay da SBM Atty. Randy Baniaga G. Kinaud, Committee Chairman on Agriculture and Cooperatives ken ni Mr. Nereo S. Daproza, AT, Municipal Fisheries Coordinator dagiti nagmiting nga Opisiales ti Asosasion dagiti mangngalap.
Dagiti sumaganad ti natratar ken napagnunumuanda a maipatungpal:
1. Nailista dagiti naited a proyekto a mausar iti pagkalap manipud iti nadumaduma nga Ahensia kadagiti Asosasion ti mangngalap.
2. Nairekord dagiti kiddaw dagiti Asosasion a saan pay a nakaawat iti proyekto ket naidagadag a masuportaran dagitoy iti Resolusion.
3. Napagtutulagan nga umuna a Lunes ti bulan ti panagmiting pay laeng ti MFARMC Officers ket inton bumaybayag ket mapagnunumuan iti maikeddeng nga aldaw a Regular a Meeting ti Konseho.
4. Mapagtutulagan iti aktibidades a maigannuat iti agriculture sector inton Abril 21, 2017 a kaaldawan dagiti mannalon/mangngalap iti panagpiesta ti ili a Cabugao iti Abril 21-17, 2017. Napagkaykaysaan a by-cluster ti pamay-anda iti urnos ti Sektor-Agrikultura.
5. Mapasingkedan ti Organizational Structure ti MFARMC a mangrienda ti nagkaykaysa a grupo ti Asosasion dagiti mangngalap kalpasan ti Piesta.
7. Pannakaaramid ti Barangay ID System dagiti mangngalap.
8. Pannakailanad dagiti kalikagum dagiti mangngalap tapno mapagkaykaysa a maidatag iti Municipal Agriculturist dagitoy iti Opisina ti Local Chief Executive.
9. Maaramid ti picnic dagiti mannalon/mangngalap iti “Agriculture Day” iti Abril 21, 2017 tapno riknaenda ti panagkakammayetda iti uray maminsan laeng iti kada tawen.
10. Maitugot iti adda a maisagana ket adda met koma maipreperar a kabukbukodanda a maipabuya iti publiko iti karabiyan ti Abril 21, 2017.
Imbinsa pay ni SBM Atty. Kinaud dagiti pagrebbengan ti MFARMC a tumulong iti LGU a mangipatungpal kadagiti programa ken proyekto para iti pagimbagan dagiti mangngalap ken iti pannakatagiben ti kabaybayan.
Pinaregtana dagiti mangngalap a saanda koma a maup-upay kadagiti gannuatda ta aramidenda met ti kabaelanda a tumulong a mangipalo-ap kadagiti saan pay a naited a kalikagumda.
Na-adjourned ti miting iti 11:15 am. # (Web In-Action)
No comments:
Post a Comment