Cabugao, Ilocos Sur - Naangay ti seremonia ti pannakaited dagiti Sertipiko ti Pammadayaw manipud iti Department of Social Services and Development (DSWD)-Regional Office 1 nga idauluan ni Regional Director Marcelo Nicomedes J. Castillo kadagiti tallo nga Estudiante ti Kolehio a nakapasa iti Licensure Examination for Teachers (LET) babaen iti panagadalda iti Expanded Students' Grant-in-Aid Program for Poverty Alleviation (ESGP-PA) a parte ti programa ti Pantawid Pamilyang Pilipino Program (4Ps) iti nadakamat nga Ahensia.
Indauluan nI Mayor Josh Edward S. Cobangbang ti pannakapadayaw ken pannakaited dagiti nadakamat a sertipiko kadagiti Recipients nga inimatangan ti Pamilia-LGU kalpasan iti naaramid a Flag Raising Ceremony iti Pebrero 13, 2017 iti sango ti Rizal Barangay Hall, Brgy. Rizal, Cabugao, Ilocos Sur.
Binayabay dagiti Staff ti MSWD ken ti Municipal Link nga idauluan ni MSWD Officer Mrs. Lydia S. Gazmen ken nakikaysa ni SBM Vicky S. Serna iti nadakamat nga awarding. # (Web In-Action)
No comments:
Post a Comment