Wednesday, February 1, 2017

ANIMAL CARE PROGRAM TI DA-LGU, MAIPAMAYSA ITI TAWEN 2017

Cabugao, Ilocos Sur – Kangrunaan a naigannuat kadagiti kallabes a Tawen ket iti implementasion dagiti kangrunaan nga aramiden dagiti Beterinario  para iti mass rabies vaccination.

Kabayatanna,  inaksionan ti Municipal Livestock Office – DA LGU Cabugao  daytoy babaen iti nasaknap a pannakaangay ti Anti-Rabies Campaign (injection ti anti-rabies kadagiti  household  pets a kas iti aso ken pusa) ket nayeskediul iti tunggal barangay.

Malaksid kadagiti nayeskediul a trabaho ni Dr. Castro, isamsamirana pay a sarungkaran dagiti klientena a nangayab kenkuana a nagagas/agagas  iti masakit  a dinguen ken iti panagbakuna.

Ti nasaknap a panagbakuna ket komkomplementaran ti LGU Cabugao  nga idauluan ni Mayor Josh  Edward S. Cobangbang babaen iti programa ti Municipal Livestock Office a  iti “Animal Care Program”.

Dagitoy nga aksion ken inisiatiba ket gubuay  iti napintek ken agtultuloy a  programa ti LGU-Cabugao iti livestock industry iti  babaen ti liderato ni Mayor Josh Edward S. Cobangbang tapno masustener ti pannakataming dagiti dinguen ken livestock iti Munisipalidad a katulongan dagiti mannalon. # (Web In-Action)

No comments:

Post a Comment