Cabugao, Ilocos Sur – Naisayangkat ti Information Education Campaign on Dental Health Care and Distribution of Dental Health Care Gifts iti dua a Day Care Centers a dagitoy ti Brgy. Namruangan ken Brgy. Pug-os, Cabugao, Ilocos Sur idi Pebrero 14, 2017.
Indauluan ni Dra. Ma. Anastacia de los Reyes, DMD, dagiti pannakabagi ti RHU nga isuda Ms. Joy Sayo ken ni Ms. Sinampaga a nagasikaso kadagiti Day Care Pupils iti pasdek ti Cecilia T. Flores Memorial Dental Clinic, Cabugao, Ilocos Sur.
Kalpasanna, sinaggaysa ti Dentista nga inamiris ti ngipen dagiti ubbing ken naikkan ti tunggal ubing ti sagut a (Toothbrush, Toothpaste) nga impaay ti LGU-Cabugao nga idauluan ni Mayor Josh Edward S. Cobangbang.
Imbatad dagiti nagannak a nangkuyog kadagiti annakda ti panagyamanda iti Gobierno Munisipal nga idauluan ni Mayor Josh Edward S. Cobangbang ta maiyasideg dagitoy a napateg a serbisio kadagiti taga-barangay.
Tinawen daytoy a maamiris ti ngipen dagiti agad-adal iti Day Care ket adda napagnunumuan ita nga eskediul dagiti Day Care Centers a mapan iti Cecilia T. Flores Memorial Dental Clinic, segun ken ni MSWD Officer Mrs. Lydia S. Gazmen. # (Web In-Action)
No comments:
Post a Comment