Thursday, February 16, 2017

2017 METROBANK-MTAP-DEPEd MATH CHALLENGE, NAGLEPPAS

Cabugao, Ilocos Sur – Naangay ti 2017 Metrobank-MTAP-DEPEd Math Challenge District Elimination in Elementary  ket naggigiddan iti amin  ti 26 a  Distrito ti DepED ti Ilocos Sur iti Pebrero 16, 2017.

Maibatay iti Division Memorandum No. 32, Series 2017, buklen ti 26 a Testing Centers iti Probinsia a pakairamanan ti ili a Cabugao, Ilocos Sur.

Mapili ti tallo a contestant/ubbing iti Grade 1 to 6 ti  kada eskuela iti 26 a pagadalan ti Cabugao DepEd District. Nagpaay a Chief Examiner  ti District Supervisor ket dagiti MATARI (Mathematics Teachers of Region 1) District Officers iti nagpaay met a Room Examiners. 

Ditoy Cabugao DepED District, naangay ti Eksaminasion dagiti Math Contestants kadagiti pasdek-pagadalan ti Cabugao South Central School, Brgy. Bonifacio, Cabugao, Ilocos Sur  iti Pebrero 16, 2017.

Sakbayna,  naangay met ti  District Math Festival iti amin a Distrito ti Probinsia a nagpartisiparan dagiti Math Contestants itay nabiit. Naaramid daytoy a pakontes  nga inesponsoran ti Division Office, MATARI ken LGUs ken ti DepEd tapno manayonan ti gapuanan a pangpasirib pay kadagiti ubbing a nalaing iti Mathematics.

Kanaig daytoy, panggep ti Math Festival a mangpasayaat pay iti kalidad ti Mathematics Education tapno maiyintek ti laing kadagiti ubbing kadaytoy nga asignatura nga agballigida iti benneg ti Elementaria iti amin a Distrito ti DepED. Kasta pay a mamuli dagiti ubbing para iti promotion of leadership, cooperation, sportsmanship ken camaraderie-da kadagiti kapatadanda. # (Web In-Action)

No comments:

Post a Comment