Cabugao, Ilocos Sur – Naangay ti 2017 Mr. & Miss Cabugao National High School Pre-Pageant ti Cabugao National High School, Brgy. Turod, Cabugao, Ilocos Sur idi Pebrero 3, 2017 a nagatendaran dagiti agad-adal; mangisursuro; nagannak a nagbuya ken bisita iti School Stage a paset ti School Covered Court.
Iti panagsarita ni Mrs. Felipa B. Asuncion, School Principal, ti Pre-Pageant ket umuna a mapasamak iti 23 a Tawenen a pannakabangon iti nadakamat a pagadalan. Maysa met daytoy nga aktibidad a mangparagsak iti selebrasion ti pannakaipasdek ti nasao a pagadalan. Maangay iti pinal ti nadakamat a pakontes inton Pebrero 24, 2017 iti isu met laeng a disso ti pagadalan.
Iti nadakamat a Pre-Pageant, naipresentar ti 21 a paris (lalaki ken babai) a kandidato/kandidata iti amin a Grade Level iti stage ket naipabuya iti talent portion ti kabaelan ti tunggal pareha.
Napili iti Best in Talent da Jose Edwin C. Sajonia, Jr. ken ni Geith Pauline G. Menor, agpareha manipud iti Grade 8 Brotherhood ken maibilangda kadagiti napili a Top 10 Contender para iti Grand Final ti salip.
Kanaig daytoy, inesponsoran ti Class 1999 iti Cabugao National High School iti nadakamat a 1st Pre-Pageant.
Rinikepan ni Ms. Rocilyn G. Sabaten, Head Teacher III ti CNHS iti nadakamat a pasalip. Pinagyamananna iti akem ti tunggal maysa iti panagballigi iti nadakamat nga aktibidad.
Nagpaay a Hurado ti Salip da Mr. James del Rosario; Mr. Kevin S. Somera ken ni Ms. Claire Sinampaga. # (Web In-Action)
No comments:
Post a Comment