Cabugao, Ilocos Sur – Segun ken ni Municipal Rice Program Coordinator Nereo S. Daproza, umaboten ti 90 a porsiento iti naapitan iti 220 ektaria a natalon a minulaan ti 360 a bilang ti mannalon ken masarakanda iti barangay ti ili a kas iti Turod Patac; Arnap; Carusipan; Cuancabal; Lipit; Sisim; Alina-ay; Aragan; Sagayaden; Pila; Dardarat; Baclig; Daclapan; Namruangan; Cacadiran; Bato; Nagsantaan; Maradodon; Nagsincaoan; Marga-ay; Salapasap; Rizal; Quezon; ken Bonifacio.
Iti pannaki-amad ti Web In-Action idi Pebrero 8, 2017 ken ni Municipal Rice Program Coordinator, kinunana a dandanin maileppas ti panagapitda ken
innayonna nga uppat ti kangrunaan a naggapuan ti suplay ti padanumda a kas iti Fully Irrigated Canal; Shallow Tube Well (STWs); Spring (ubbog) ken iti Open Water.
Imbatadna a more than 100% pay laeng iti rice self-sufficiency ti Munisipalidad nupay 5% laeng ti nadadael nga apit kadagiti naglabas a Bagyo.
Manamnama a maapitan dagitoy a lokasion ti pagtatalonan iti 2nd Crop 2016-2017 ken mangnayon iti 1,284 metrika-tonelada a produksion iti apit iti kallabes a panagtalon. # (Web In-Action)
No comments:
Post a Comment