Cabugao, Ilocos Sur – Iti pannakiuman ti Web In-Action iti Pebrero 22, 2017, impakaammo ti Opisina ti Municipal Operation’s Office (MOO) ti 4 Ps Program, Municipal Link-Cabugao nga itultuloyda nga isaknap ti pakabuklan ti programa ti 4Ps. Ita a bulan ket iti maipapan iti Taraon ken Nutrision kadagiti kameng ti 4 Ps kadagiti 33 a barangay ti Munisipalidad ti Cabugao iti bulan ti Pebrero 2017.
Innayonda a makiko-koordinarda latta kadagiti Opisiales ti Barangay/Parent Leaders a katinnulongda a mangummong ti miembros nga agatendar iti Family Development Session (FDS) para iti Topiko nga imitingda kadagiti 4 Ps para iti dayta a bulan nga agpokus iti Tema: “Pregnant and Lactating Mother and for Teenage Early Pregnancy”.
Iti manon a bulan a pannakaangay ti Family Development Session (FDS) kadagiti barangay ket makawayas metten dagiti Parent-Leaders a mangipatungpal iti miting ken seminar iti masakupanda.
Ita a bulan ti Pebrero 2017, dagiti kameng ti Barangay Nutrition Scholar (BSN) ti Cabugao iti aglektiur kadagiti FDS Session-da ket napagkaykaysaanda a maysa a Topiko laeng ti tratarenda kadagiti Family Development Session-da tapno nalaka ti evaluation ken assessment a maisayangkat kalpasanna. Nalaklaka pay a maawatan dagiti adalanda a 4 Ps no dagitay kabisadoda/naipanawen a Topiko/Situasion iti maiyad-adal kas parte iti Values Formation ti Programa.
Dagitoy nga aksion ket maigapu iti agtultuloy a panangilungalong ti Gobierno Munisipal iti panangidaulo ni Mayor Josh Edward S. Cobangbang iti pannakikammayetda iti Ahensia ti DSWD iti napintas a maaramidan dagiti programa a maisaksaknap kadagiti barangay tapno agtultuloy iti sapasap a panagrang-ay iti Pamilia ken umili ti Cabugao. # (Web In-Action)
No comments:
Post a Comment