2012 DIVISION MATH FESTIVAL, NAANGAY DITOY CABUGAO

Cabugao Ilocos Sur – Naangay ti Division Math Festival 2012  ditoy ili ti Cabugao a nagpartisiparan dagiti napili a makisalip iti Mathematics nga ubbing iti tunggal Distrito (25 Districts ti DepEd Division  ken 2 private schools) iti intero a Probinsia ti Ilocos Sur idi Nobiembre 23, 2012 iti Cabugao Cultural and Sports Complex, Brgy. Rizal, Cabugao, Ilocos Sur.

Naaramid ti Opening Program iti  kabigatan dayta a petsa. Pannakaipaay ti Doxology ti imparang dagiti taga-Cabugao North Central School ken inakem met ni Miss  Mildred Naval, ESHT III, Pug-os ES, ti nangidaulo  iti National Anthem.

Words of Welcome ti impaay  da  Mrs. Estrellita M. Siruno, Principal 2, CNCS ken ni  Public Schools District Supervisor Helen V. Siruno.

Nagmensahe  ni Mayor Edgardo “Ediboy” S. Cobangbang, Jr. ket naragsak a kimmablaaw kadagiti delegasion ti tunggal distrito ken ti amin a nakipartisipar iti Division Math Festival a naangay ditoy Cabugao. Innayon  ti Alkalde Munisipal a sapay ta maipaay ti naan-anay a panag-enjoy dagiti delegado iti maysa nga aldawda nga agyan ken maki-Festival  ditoy Cabugao. Imbatad ti Ama ti Ili a napateg unay daytoy a mayus-usuat iti pagadalan para kadagiti ubbing  ta maibilang ti Mathematics a kas “perfect science” a makatulong pay   iti sapasap.

Kalpasan ti naiparang nga intermission number, impresenta ni Mr. Nestor G. Villaflor, ES-1 Mathematics dagiti Delegado ti tunggal Distrito. Impaay  ni Mr. Arnel Doctolero, MATARI President (Elementary), Principal-IV Biao Elem. School ti Orientation. Naisaruno ti Math Quiz kadagiti napili nga ubbing iti tunggal Distrito manipud Grade 1 agingga ti Grade 6. Kinadua dagiti Chief Examiners, Assistant Chief Examiners, Room Examiners/Correctors  dagiti ubbing iti   kuarto a nakaidestinuanda.

Buklen met ti DAMATH Facilitators dagiti Over-all Chief Arbiters, Chief Arbiter/Timer, Reviewer/Scorer ken Table Arbiter. Iti met MATH RELAY Facilitators, nagserbi met dagiti Board of Judges, Quizmasters, Timers, Recorders ken Proctors. Buklen dagiti nagpaay a Facilitators dagiti Principal, Head Teachers ken Math Officials iti nadumaduma a pagadalan ken Distrito.

Iti Closing Program kalpasan dagiti Math Contested Activities, nagsarita ni Schools Division Superintendent Dr. Marino S. Baytec, CSEE ket dinakamatna ti pateg ti pannakaisuro ti Math iti ubing. Kinaritna dagiti nagannak ken mangisursuro ti agtultuloy a pannakaitandudo ti kakastoy nga aktibidad. Pinagyamananna ti Gobierno Munisipal nga idauluan ni Mayor Ediboy DepEd Cabugao District,  eskuela ti Cabugao North CS, dagiti opisiales ti MATARI (Math Association of Region 1), nagannak ken Opisiales ti DepEd Districts iti pannakaorganisar ken pannakaangay   kadaytoy dakkel nga aktibidad ti agad-adal iti intero a Probinsia  ditoy Cabugao ken  iti naballigi a pannakaipatungpalna.

Naudi ti Announcement of Winners and Awarding of Medals, Certificates and Trophies. Nagpaay nga Emcee ti Opening ken Closing Program da Miss Jennifer D. Savellano, Mr. Joel Peralta ken Mr. Donato Sambrana.

Dagiti Delegasion ti Distrito a nakipartisipar iti 2012 Division Math Festival ditoy Cabugao  ket dagiti sumaganad:  Cabugao District, Sta. Maria, Bantay, Magsingal, Caoayan, Sta Lucia, Banayoyo-Lidlidda-San Emilio; San Juan, San Ildefonso, Sta. Cruz, Santa, Narvacan South District, Galimuyod-Salcedo-Sigay-Del Pilar District;  San Vicente, San Esteban, Tagudin, Suyo, Narvacan North District, Sinait, Cervantes-Quirino District; Sugpon, Sta. Catalina, Santiago, St. Paul College, GS ken Jenefa Scholastica.# (Web In-Action)