UMUNA A MALADAGA, NAIPASNGAY ITI LYING-IN CENTER

Cabugao, Ilocos Sur – Naipasngay ti umuna a maladaga ket tinaming   dagiti manarawidwid a Nurses ken Midwives iti Rodolfo S. Sonido Lying-in Center, RHU-Cabugao, Ilocos Sur.

Ti Baby Girl, Erika Villanueva Baniel   ket nayanak iti oras ti 11:00 P.M.  idi Nobiembre 10, 2012 manipud iti ina, Ms. Adela Pe Benito Villanueva  nga asawa ni Mr. Richmond Abuyoan Baniel  iti Barangay Pila, Cabugao, Ilocos Sur.

Nagpaay nga Attending Midwives da Ms. Natividad Punla ken Ms. Lydia Gazmen kasta met nga  Attending Nurses da Mr. Guiller Morales, Ms. Jennifer Rabor ken Mr. Jay-ar Fernando Baclig.
Ti Rodolfo S. Sonido Lying-in Center ket mangipaay ti serbisio, 24-oras kadagiti amin nga agkasapulan ti tulong/taklin  partikular dagiti agdadagsen nga inna agingga iti lugar a mapaabotan  ti serbisio ti  nasao a balay-paganakan. 

Daytoy a pasdek-paganakan ti inna ket ngbuligan nga impasdek ti pamilia da Dr. Charlie Y. Sonido iti Hawaii, USA kasta met iti Gobierno Munisipal nga idauluan ni Mayor Edgardo “Ediboy” S. Cobangbang, Jr. Nangrugi a nagoperar ti Lying-in Center idi Nobiembre 5, 2012. Addaan ti 49 nga Staff/Personnel/Volunteers  nga idauluan ni Mrs. Janet  Sison, RHU Nurse/Supervisor. # (Web In-Action)