KORONASION TI MR. & MS. SCIENCE 2012 TI CNCS, NAANGAY

Cabugao, Ilocos Sur – Naangay ti Coronation Ceremonies ti Mr. and Ms. Science 2012 agraman dagiti Runners-up iti naaramid a Popularity Contest 2012  iti Cabugao North Central School  ket naangay ti programa iti Cabugao Cultural and Sports Complex, Brgy. Rizal, Cabugao, Ilocos Sur  idi Nobiembre 12, 2012.

Opening Prayer ti inakem ni Mrs. Julie S. Sajor, Master Teacher I. Welcome Talk ni PTA President Maxfel S. Suboc. Kalpasan ti intermission number, naaramid ti Farewell Walk ti Mr. and Ms. Science 2011: Mr. Rayver Angelo Solima ken Ms. Maengel Cumilang.

Naisaganad ti Investiture dagiti Runners-up. Impaay ni Public Schools District  Supervisor Helen V. Siruno ti mensahena. Dinayawna ti Cabugao North Central School ta nalaka a bukelenda  ti kastoy nga aktibidad ti popularity contest.

Innayon ti District Supervisor a posible a ditoy nga eskuela ti pakaangayan ti Division Math Festival ket maitultuloy koma latta ti tunos  dagiti  nagannak ken mangisursuro.

Naiballaet  ti intermission number sa  naaramid ti Investiture ti Mr. & Ms. Science 2012: Mr. Lance Aidan Rosario ken Ms. Elaiza Mae Vargas.

Kalpasan ti pannakakorona ti Mr. & Ms. Science 2012  babaen kada Mr. Romeo B. Berzabal ken District Supervisor Helen V. Siruno, naangay ti induction ti ROYSC ken YES-O Officers babaen ken ni Mr. Romeo B. Berzabal, EPS 1 Science & ICT Coordinator. Iti panagsaritana, inramanna a  kinablaawan  ti amin nga umili ti Cabugao nga idauluan ni Mayor Ediboy. Dinaydayaw ni Mr. Berzabal ti Cabugao North Central School iti naballigi a pannakaangay daytoy nga aktibidad  ket kinompirmarna  a maangay pay  ditoy ti Division Math Festival 2012 iti masanguanan nga aldaw.

Nagmensahe  met ni Dr. Marino S. Baytec, Ed., D.,  Schools Division Superintendent ket  kinablaawanna dagiti umili ken  ti Gobierno Munisipal nga idauluan ni Mayor Edgardo S. Cobangbang, Jr.  Ti  Tema ti aktibidad: “Building a Healthier Environment Through Science” ti dinakamatna a nagsaritaan.

Kalpasan ti nagsasaruno a panagpabuya ti sala iti innem a grado, sinerraan ni Mrs. Estrellita M. Siruno, School Principal II ti programa.

Nagpaay nga Emcee da Mrs. Cherry Argelyn S. Acacio, Mrs. Virgie Tipon ken Mr. Carlos Vargas. # (Web In-Action)