Cabugao, Ilocos Sur –
Napatubon ti umabot ti 5,000 a naibunubon a bukel ti Butsina Seedlings iti
Municipal Plant & Nursery, Brgy. Baclig, Cabugao, Ilocos Sur nga ay-aywanan
da Mr. Robert S. Savella, AT/DA-LGU, MENRO Edgar S. Balangatan ken ni Mr. Noel Rania, agob-obra iti LGU iti biang ti Clean and Green Program ken Solid
Waste Management Program iti Munisipio.
Iti pannaki-amad ti
Web In-Action, imbatad ni Mr. Rania a nagtitinnulongda kadagiti kaduana a pannakabagi
ti DA-LGU a nagpabunag ti daga ken
nagisupot iti selopin ti bukel ti butsina (Manila Palm) tapno maipatungpal ti direktiba ni Mayor Edgardo “Ediboy” S. Cobangbang, Jr. a
mapaadu koma daytoy a klase a kayo a maimula agsipud ta napaneknekan a napigsa nga
agtengngel ti dam-eg ken mangtiped ti panagreggaay ti daga a pakairanudan ti
sapasap ken ti pannakaprotektar ti aglawlaw.
Innayon ni Mr. Rania
nga inaldaw nga iramanna met nga
asikasuen dagiti sabali pay a
seedlings.
Ti pannakapaadu ti
seedlings ket paset ti programa ti Clean and Green/Reforestation Program ti Munisipio nangruna kadagiti
barangay. # (Web In-Action)
No comments:
Post a Comment