Cabugao, Ilocos Sur – Nakikammayyet
dagiti eskolar ken pannakabagi ti OISCA Japan and Philippines nga indauluan da
Siroyuki Chu ken Mr. Delfin Tesoro iti LGU Cabugao.
Pinsar ti grupo a kitaen ken
inspeksionen ti pakabuklan ti Magarang Watershed Area a masarakan idiay Sitio
Rebba, Brgy. Cacadiran, Cabugao, Ilocos Sur.
Kinuyog ida ni MENRO Edgar S.
Balangatan a nagturong iti Magarang Site. Naaramid ti inspeksion ken evaluation
para iti panggep a panangnayon iti maimulmula a
kayo tapno maan-anay ti thick forest cover ti nasao a watershed area.
Kalpasan ti inspeksion, nagturong ti
grupo iti Opisina ni Mayor Edgardo “Ediboy” S. Cobangbang, Jr. iti Municipal
Hall ket naaramid ti panagsasarita maipapan iti programa/proyekto ken
aktibidades ti OISCA ditoy Cabugao.
Kadua dagiti OISCAN’s da Atty. Marina
Manuel, Director ti Tanim Kalikasan,
Inc. ken ni Mr. Thomas E. Byers, Ph. D.,
Associate Director, Washington State University, USA a naginspeksion ken
nag-courtesy call iti Opisina ni Mayor Ediboy. # (Web In-Action)
No comments:
Post a Comment