KAB SCOUT FIELD DAY, 2ND DAY TI BSP DISTRICT CAMPORAL

Cabugao, Ilocos Sur – Naangay ti Kab Scout Field Day iti maikadua nga aldaw ti BSP District Camporal iti Nobiembre 17, 2012 iti Cabugao South Central School Ground a nagpartisiparan dagiti Kawan Members, Kawan Leaders (KL), opisiales ti Gobierno Munisipal  nga idauluan ni Mayor Edgardo “Ediboy” S. Cobangbang, Jr. ken ti Cabugao DepEd District nga idauluan ni Public Schools District Supervisor Helen V. Siruno kasta iti Municipal Scouting Committee Officials.

Naaramid ti Parade around the Town iti delegasion ti uppat a Zones a makasakup iti Kawan  sa naisaruno ti programa. Kalpasan ti Opening Prayer ni KL Ligaya de Pedro, inyam-amo dagiti Kawan Leaders ti delegasionda (Zone 1, 2, 3 ken 4). Words of Welcome ti inakem ni Bonifacio Brgy. Captain Valentin S. Tuyor, Jr. ken naaramid ti Rededication babaen kadagiti pannakabagi ti Zone 1, 2, 3, ken 4 iti Pangako, Batas, Motto ken Slogan.

Impaay ni Mayor Ediboy ti mensahena ket immuna  a kimmablaaw kadagiti amin a naitabuno. Kinuna ti Alkalde Munisipal a dagitoy nga aktibidad ket nasamay a panangisagana ti napintas a pagbanagan dagiti ubbing  iti masakbayan. Dinayaw pay ti Ama ti Ili iti napintas a pannakaisagana dagiti aktibidad   a mangpangayed kadagiti aktibidad ti Scouting.

Nagyaman met ni District Supervisor Helen V. Siruno iti panangimatang ken panagtitipon dagiti Opisiales ti ili ken DepEd iti aktibidad ti Kawan  Field Day ken iti Boy Scout. Anag ti mensahena iti naballigi a pannakaigannuat dagitoy a pagsaysayaatan dagiti ubbing nga  agad-adal.

Kalpasan ti Declaration of the Opening of the KAB Scout Field Day babaen ken KL Ely S. Torres, CDKLA Coordinator, naaramid ti Lighting of the KAWAN Torch babaen kada Mayor Ediboy, Atty. Rex Augustus S. Morales ken SB Member Vicky S. Serna.

Pannakaitandudo ti Scouting a mangmuli kadagiti ubbing para iti natibker a masakbayanda iti kangrunaan nga anag dagiti nagsaruno a mensahe nga impaay da Atty. Rex S.  Morales,  BSP OIC Council Executive Gil Savellano, Vice Mayor Danny Q. Gazmen ken SB Member Vicky S. Serna, Committee Chair on Education. Nakitaripnong met ni SB Member Benedicto M. Savellano iti nasao a programa.

Kalpasan ti programa, naaramid ti presentation ti tunggal Zone (1,2,3, ken 4), CNCS Kid Scout ken UCCP Kid Scout.

Simmaruno ti Games by Zones iti Candle Relay, Chinese Relay, Knot Tying, Ball and Bottle Relay. Naaramid  ti Awarding of Winners babaen kada KL Ely S. Torres ken KL Josie Bisco. Closing Remarks ti naipaakem ken ni KL Josie Bisco. Nagpaay nga Emcee da KL Nestor Cobangbang, Jr., KL Helen Fuller ken KL Elvira Solatre. # (Web Situational Report)