Cabugao, Ilocos Sur – Narugian ti panaglay-out dagiti Personnel ti DA-LGU Cabugao nga idauluan ni OIC Nereo Somera Daproza iti pagmulaan ti nateng ken mais iti lote a nakaisaadan iti Techno-Demo Farm iti Nobiembre 9, 2012 sadiay Barangay Sagayaden Norte, Cabugao, Ilocos Sur.
Daytoy a Techno-Demo ket maipatungpal babaen ti LGU Cabugao tapno maipaay a pagtuladan dagiti kabangibang a pagtatalonan agsipud ta maipakpakat ditoy dagiti kabaruanan a teknolohia iti panagmula ti pagay, mais ken nateng.
Namulaan ti pagay a hybrid iti kallabes ket napintas met ti resulta ti apitna, segun ken ni Nathaniel B. Galamgam, Caretaker ti Techno-Demo Farm.
Buklen dagiti mangipatungpal daytoy a proyekto para iti Dry Season 2012 (Nobiembre 2012-Mayo 2013) da OIC Nereo S. Daproza, Edgar S. Balangatan, Ester P. Aguimbag, Nathaniel Galamgam, Ednalyn Silario ken Marjorie Castillo, agpapada a Personnel iti DA-LGU Cabugao. # (Web In-Action)
No comments:
Post a Comment